قازاقستاندىق انشىلەر ۇلىقپان جولداسوۆتى مەملەكەتتىك اتاققا ۇسىندى
ەلۋ جاستا ەل الدىندا ەسەپ بەرگەن سازگەر وسى كۇنگە دەيىن بىردە-ءبىر اتاققا قول جەتكىزبەگەن.
بۇل تۋرالى «ريەۆيۋ» باعدارلاماسى حابارلايدى.
1- مامىر كۇنى الماتى قالاسىندا ۇلىقپان جولداسوۆتىڭ كومپوزيتورلىق كەشى ۇيىمداستىرىلدى. اتالعان كەشتە ساكەن مايعازيەۆ، مەيرامبەك بەسپايەۆ، فاريدا جولداسوۆا، تورەعالي تورەالى، ءمادينا ءسادۋاقاسوۆا، سەرىكبول سايلاۋبەك، قايرات نۇرتاس جانە «زامان»، «مەلومەن»، «جىگىتتەر» سىندى توپتار ونەر كورسەتتى.
كەش بارىسىندا جولداسوۆ ءوزىن سازگەرلىك قىرىنان تانىتقان «مۇزارت» توبىنا العىسىن جاۋدىردى. «كورسەتۋگە ۇيالاتىنمىن. سول اندەرىمدى «مۇزارت» توبى حالىق الدىنا شىعارىپ، مەنى باسقا قىرىمنان تانىتتى»، - دەيدى جولداسوۆ.
مۇنى «مۇزارت» توبىنىڭ ءسوليسى ساكەن مايعازيەۆ تە راستاپ وتىر. دەسە دە، سوڭعى كەزدە اندەرىن تەك جاستارعا ۇسىناتىن سازگەرگە رەنجىپ جۇرگەن-ءدى.
«ءان شىعاراتىن قاسيەتىنەن قىسىلىپ جۇرگەن ەكەن. ءبىر كۇنى نەگە شىعارىپ كورمەسكە دەپ بىزبەن اقىلداستى. العاش «ماحاببات گۇلى سولمايدى» دەگەن ءانىن ورىندادىق. ءبىزدى قارتايدى دەپ ويلاعان سياقتى. بۇل ءاندى «زامان» توبىنا تابىستادى»، - دەيدى مايعازيەۆ. مۇنىمەن قاتار، ونەردەگى اعاسىنىڭ ماراپاتقا ابدەن لايىق ەكەنىن ايتىپ ءوتتى.
مۇقاسان شاحزودايەۆ حالىق بەرگەن اتاق پەن مەملەكەتتىك ماراپاتتىڭ ورنى بولەك ەكەنىن ايتتى. كوپتەگەن ءان جازعان سازگەردىڭ مەملەكەتتىك ماراپاتقا ءالى قول جەتكىزبەگەنىنە تاڭقالعانىن جاسىرمادى.
«كوزى تىرىسىندە ادامنىڭ قادىرىن بىلمەيمىز عوي. قولىمدى مەزگىلىنەن كەش سەرمەدىم دەپ جۇرەمىز. اناۋ وسىنداي ەدى، مىنانداي ەدى دەپ وكىنەمىز»، - دەيدى گاۋھار قاسپاقوۆا.
ارىپتەستەرى ءدال وسىلاي قولداۋ كورسەتسە دە، ۇلىقپان مىرزا اتاققا اسىعار ەمەس.
«باعاڭ ءوسىپ كەتىپ جاتقان جوق. اتاقتى بىرەۋلەر كەرەك دەپ جاتادى. ەڭبەگىڭدى ەلەپ بەرىپ جاتسا، ودا تۇرعان ەشتەڭە جوق. بەرگەندى كىم جەك كورەدى»، - دەيدى سازگەردىڭ ءوزى.
كونسەرت كەزىندە سازگەر جۇبايى ايعانمەن بىرگە ءان ورىنداپ، جۇرتتى تاڭقالدىرعان-دى. كەش سوڭىندا ارىپتەستەرى ۆيدەو قۇتتىقتاۋ ءتۇسىرىپ، ۇلىقپان جولداسوۆقا العىس ايتتى.
Stan.kz
