11:31, 05 - مامىر 2016 | GMT +5
امەريكاندىق مەكتەپ ۇيرەك پەن ونىڭ بالاپاندارى ءۇشىن جىل سايىن جۇمىسىن ۋاقىتشا توقتاتادى - فوتو
استانا. قازاقپارات - 13 جىل قاتارىنان جىل سايىن ءبىر ۇيرەك امەريكاندىق ميچيگان شتاتى حارتلەندتەگى باستاۋىش مەكتەپ اۋلاسىندا بالاپان باسادى.
مەكتەپتە ونى ۆانەسسا دەپ اتايدى جانە جىل سايىن ونىڭ ورالۋىن اتاپ وتەدى.
مۇعالىمدەردىڭ ءبىرى مەكتەپ اۋلاسىندا جۇمىرتقادان جارىلىپ شىققان سوڭ بالاپاندار ەكى كۇنگە دەيىن سۋعا بارۋى ءتيىس ەكەنىن ەسكە ءتۇسىردى. بالاپاندار ءالى ۇشا المايدى، ولار مەكتەپ اۋلاسىنان شىعۋى ءۇشىن وقۋ مەكەمەسىنىڭ ءدالىزى ارقىلى وتەدى.
جاقىن جەردەگى سۋ قويماسىنا ۆانەسسا كەدەرگىسىز جەتۋى ءۇشىن قابىرعا بويىنا بەرىك قارا ءتۇستى قاعاز ورنالاستىرىلادى جانە مۇعالىمدەر وقۋشىلاردىڭ بالاپاندارعا تيىسپەگەنىن باقىلايدى.
ءبىرىنشى رەت ۇيرەك كوپ ۋاقىت بويى جولدى تابا الماعان. الايدا قازىر بۇل جولمەن ءوتۋ ءۇشىن وعان ورتاشا العاندا 2-3 مينۋتتاي عانا ۋاقىت قاجەت.
