ۆولوكولامسكىدەگى مەموريالدىق اسكەري قورىمدا پانفيلوۆشى- جاۋىنگەرلەرگە ەسكەرتكىش ورناتىلدى - فوتو
ماڭىزدى شارانى ۇيىمداستىرۋ جونىندەگى باستامانى ەۋرازيالىق توپ كاسىپ ورىندارى - «قازاقستان ەلەكتروليز زاۋىتى» ا ق جانە «قازاقستان اليۋميني» ا ق- ى قىزمەتكەرلەرى كوتەردى.
بيىلعى ERG جوباسىنىڭ ميسسياسى 1941-جىلعى ماسكەۋ تۇبىندەگى شايقاستىڭ 75 جىلدىعىنا ورايلاستىرىلدى. وندا 316-اتقىشتار ديۆيزياسى شايقاسقان.
ەسكەرتكىش اشىلۋىنىڭ سالتاناتتى شاراسىندا ماسكەۋ وبلىسى ۇكىمەتى ءتوراعاسىنىڭ ورىنباسارى ەلميرا حايمۋرزينا ۆولوكولامسك شەبى ەڭ قيان كەسى ءارى قانتوگىسى كوپ شايقاس بولعان جەر ەكەنىن ايتتى.
«بۇل ءبىز ءۇشىن ماڭىزدى، ويتكەنى اسكەري تاريحتاعى نەگىزگى جىل بولدى - بۇل ماسكەۋ ءۇشىن شايقاستىڭ 75 جىلدىعى، ءبىرىنشى جەڭىس جىلى»، - دەدى ول.
ە. حايمۋرزينا اتاپ وتكەندەي، پانفيلوۆشى- جاۋىنگەرلەردىڭ تاريحي ەرلىگىنە ەش كۇمان جوق.
«قازىر كەيبىرەۋلەر ۇلى جەڭىس تاريحىنا قاتىستى داۋ تۋدىرىپ جاتىر. مەنىڭ ويىمشا، جاۋدىڭ جۇزىنە قاراۋدان قورىقپاعان، وكوپتا بولعاندار جانە وسى جەردە بولىپ ماسكەۋدى قورعاعاندار - ناعىز باتىرلار»، - دەدى ول.
قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگىنىڭ اسكەري اتتاشەسىنىڭ كومەكشىسى نۇرجان وماروۆ ۆولوكولامسكى مەن ماسكەۋ وبلىسىنىڭ اكىمشىلىگىنىڭ قابىلداعانى ءۇشىن العىس ايتىپ، ماسكەۋ تۇبىندە بولعان تاريحي وقيعالاردىڭ ۇمىت بولمايتىنىن، ماڭگى ساقتالاتىنىن اتاپ ءوتتى.
ERG اتىنان ءسوز سويلەگەن «قازاقستان اليۋميني» ا ق قىزمەتكەرلەر مەن الەۋمەتتىك ماسەلەلەر بويىنشا ۆيتسە-پرەزيدەنتى بەگزيا ىسقاقوۆا ەۋرازيالىق توپتىڭ باسقارما ءتوراعاسىنىڭ قۇتتىقتاۋ ءسوزىن وقىدى.
ەسكەرتكىش تۇبىنە پاۆلودارلىق ىزدەۋشىلەر قازاق جەرى (توپىراعى) سالىنعان كاپسۋلا قويدى.
