قىتايدا قازاقستاندىق مايدانگەرلەردى ەسكە الدى - فوتو
ەكىنشى دۇنيەجۇزىلىك سوعىس زامانىندا قىتايدى ازات ەتۋ كەزىندە قازا تاپقان كەڭەس جانە موڭعول اسكەرلەرىنىڭ مەموريالىنا گۇل شوقتارىن قويدى.
شاراعا قاتىسۋشىلار باۋىرلاستار قورىمى مەن مۇراجايعا بارىپ، قۇرمەتتى قوناق كىتاپشاسىنا جازبا قالدىردى.
ەسكەرتكىشتە 13 موڭعول جانە 66 كەڭەس جاۋىنگەرىنىڭ اتى جازىلعان. سولاردىڭ ىشىندە قازاقستاندىقتار اۋەزحان جاپاروۆ، تولەمبەك وتەبايەۆ جانە اسەلحان بەربەكوۆ بار. قورىمعا 60 جاۋىنگەردىڭ ءمايىتى جەرلەنگەن. ءىز- ءتۇزسىز جوعالعانداردى ىزدەستىرۋ ءالى كۇنگە دەيىن توقتالماعان.
ۇلى وتان سوعىسى كەزىندە قازاقستان اۋماعىنان شاقىرتىلعان قازا تاپقان جانە ءىز- ءتۇزسىز جوعالعان جاۋىنگەرلەردىڭ مالىمەتتەر قورىنا قاراساق (ق ر قورعانىس مينيسترلىگىنىڭ «مەموريال» د ب)، اۋەزحان جاپاروۆ 1923 - جىلى و ق و، كيروۆ اۋدانى، مولوتوۆسكي كەڭشارىندا دۇنيەگە كەلگەن. ول 1942 - جىلى اسكەرگە شاقىرتىلدى. 27- شى جەكە موتواتقىشتار بريگاداسىنىڭ قۇرامىندا بولعان، 1945 -جىلى 21 - تامىزدا قازا تاپتى. وكىنىشتىسى «مەموريالدا» ت. وتەبايەۆ جانە ا. بەربەكوۆ تۋرالى ەش مالىمەت جوق.
ەسكە سالا كەتەيىك، 2015 - جىلى قىركۇيەكتىڭ باسىندا حۇيلۇڭجاڭ پروۆينتسياسى مۋدانتسزيان قالاسىنداعى مەموريالدىق ساياباقتا قىتايدى جاپون باسقىنشىلارىنان ازات ەتۋ كەزىندە قازا تاپقان تاعى ءبىر قازاقستاندىق سماعۇل مايدارتىڭ ءمايىتى قايتا جەرلەندى. جاۋىنگەر 1945 -جىلى 15 - تامىزدا قازا تاپقان.
