02:12, 05 - مامىر 2016 | GMT +5
شىعىس قازاقستاندا جەڭىس كۇنى قارساڭىندا ءاربىر ارداگەرگە جارتى ميلليون تەڭگەدەن بەرىلەدى
وسكەمەن. قازاقپارات - بۇگىن وبلىستىق بيۋدجەتتەن ۇلى وتان سوعىسىنىڭ قاتىسۋشىلارى مەن مۇگەدەكتەرىنە 500 مىڭ 438 تەڭگە كولەمىندە ءبىرجولعى تولەمدەر بەرىلە باستادى.
وبلىس اكىمدىگىنەن حابارلاعانداي، ايماق باسشىسى دانيال احمەتوۆتىڭ تاپسىرماسىنا سايكەس تولەمدەردىڭ كولەمى جەڭىستىڭ 70 جىلدىعى دەڭگەيىندە ساقتالدى.
بۇدان باسقا، بۇل سوما قالا جانە اۋدان بيۋدجەتتەرىنەن تولىقتىرىلادى.
ايماقتاعى 11 سوعىس قاتىسۋشىسى مەن مۇگەدەكتەرىنىڭ ۇيلەرى جوندەۋدەن وتكىزىلەدى.
ۇلى وتان سوعىسىنىڭ قاتىسۋشىلارىنا تەڭەستىرىلگەن ازاماتتار دا نازاردان تىس قالمايدى. وبلىستا مۇنداي ادامداردىڭ سانى - 1535 جانە 26946 تىل ەڭبەككەرى بار.
