بىرىككەن كۇرەس الەمى قازاقستان پالۋاندارىنىڭ بارىس سۋرەتى بەينەلەنگەن كيىم ۇلگىسىن بەكىتتى
ەسكە سالا كەتەيىك، بيىلعى جىلدىڭ اقپان ايىندا UWW پالۋانداردىڭ جارىستاردا كيەتىن كيىمىنە قاتىستى ەرەجەلەردى جاڭارتىپ، ءداستۇرلى قىزىل جانە كوك ءتۇستى پالۋاندار تريكوسىن الىپ تاستادى. ونىڭ ورنىنا سپورتشىلار ءوز ەلىنىڭ ۇلتتىق تۋى تۇستەس كۇرەسكە ارنالعان كيىم كيەدى (كۇڭگىرت جانە اشىق ءتۇستى نۇسقالارىندا).
بۇل 2016 -جىلى «وليمپيادالىق كۇرەستى ساقتايىق» باعدارلاماسى ىسكە قوسىلعاننان كەيىن باستالدى. سول كەزدەن بەرى كوپتەگەن شارالار، كەزدەسۋلەر وتكىزىلدى، سونىڭ ىشىندە كيىمنىڭ ۆيزۋالدىق ۇلگىسىنە ارنالعان شارالار بولدى، سەبەبى قىزىل جانە كوك تۇستەر كورەرمەندەر ءۇشىن قيىنشىلىقتار تۋعىزاتىن.
«سول كەزدەن باستاپ قازاقستاننىڭ كۇرەس فەدەراتسياسى جاڭا فورمانى ازىرلەۋمەن اينالىستى. بۇگىن United World Wrestling قازاقستاننىڭ فورماسىن بەكىتتى. ەندى پالۋاندارىمىز قازاقستاننىڭ سيمۆولى بولىپ سانالاتىن قار بارىسى بەينەلەنگەن سارى- كوك ءتۇستى تريكومەن شىعادى» ، - دەلىنگەن Kazakhstan Wrestling Online نىڭ ۆكونتاكتە الەۋمەتتىك جەلىسىندەگى پاراقشاسىنداعى حابارلاماسىندا.
