پوليتسيا ەسىرتكى تيەلگەن ۇشاقتى اتىپ ءتۇسىردى

استانا. قازاقپارات - پەرۋ پوليتسياسى ەسىرتكى تيەگەن بوليۆيا ۇشاعىن اتىپ ءتۇسىردى. ايتۋلارىنشا، ۇشاق جۇزدەگەن كەلى ەسىرتكىنى تاسىمالداۋمەن اينالىسقان.

جەرگە قۇلاسىمەن ونىڭ ەكيپاج مۇشەلەرى كۇشتىك قۇرىلىم وكىلدەرىنە قارسىلىق تانىتىپ، ءۇش ساعات بويى اتىس بولعان. اقىرى پيلوت جارالانىپ، اۋرۋحاناعا ءتۇستى. ول 58 جاستاعى بوليۆيا ازاماتى. تاعى ءبىر قىلمىسكەر وقيعا ورنىنان سىتىلىپ كەتكەن. ال ۇشاق بورتىنان 70 كەلى كوكاين تابىلدى. پوليتسيا وكىلدەرى ءۇش ساعاتقا سوزىلعان اتىس كەزىندە قىلمىسكەرلەر ەسىرتكىنىڭ ءبىرازىن جاسىرىپ ۇلگەرۋى دە مۇمكىن دەگەن بولجام ايتىپ وتىر.

www.24.kz