جاپونيادا بالالار سانى ەل تاريحىنداعى ەڭ تومەنگى دەڭگەيگە ءتۇستى

استانا. قازاقپارات - جاپونيادا 15 جاسقا دەيىنگى بالالار سانى 1950-جىلدان ەڭ تومەنگى دەڭگەيگە ءتۇستى.

بۇل تۋرالى جاپونيالىق اكىمشىلىك ىستەر جانە كوممۋنيكاتسيالار مينيسترلىگىنىڭ ەسەبىندە جازىلدى، دەپ حابارلادى ت ا س س.

127 ميلليون تۇرعىنى بار جاپونيادا قازىر 15 جاسقا تولماعان 16 ميلليون شاماسىندا بالا بار. ولاردىڭ سانى ءبىر جىلدا 150 مىڭ ادامعا قىسقاردى. قازىر تۇرعىندار اراسىنداعى بالالار ۇلەسى %13.  بۇل رەكوردتىق از كورسەتكىش.

بالالار سانىنىڭ ازايۋى تۋۋ كورسەتكىشىنىڭ كەمۋىنە بايلانىستى.

اتاپ ءوتۋ كەرەك، جاپونيادا قاريالاردىڭ سانى ارتىپ كەلەدى. ستاتيستيكا مالىمەتتەرى بويىنشا، جاپونيادا 65 جاستان اساتىن تۇرعىنداردىڭ سانى 34,8 ميلليون ادامعا جەتكەن. ولار جاپونيا تۇرعىندارىنىڭ شامامەن %26,7 قۇرايدى.