17:17, 04 - مامىر 2016 | GMT +5
اسحات تارعىنوۆ جاڭا بەينەبايانىمەن جۇرتتى تاڭقالدىردى - كەسكىن
استانا. قازاقپارات - تالاي تويدىڭ كوركىنە اينالعان «ءماريا» ءانىنىڭ ورىندۋشىسى اسحات تارعىنوۆ قازاق قىزدارىنا ارنالعان جاڭا بەينەبايانىن ۇسىندى.
بۇل تۋرالى Stan.kz سايتى حابارلايدى.
وتباسىلىق ومىرىندە جولى بولماعان ءانشىنى بارلىعى دا تويشىل دەپ بىلەدى. ويتكەنى اندەرىنىڭ كوپ بولىگى توي- دۋمانعا ارنالىپ جازىلىپ، ىرعاقتى كەلەدى. بارلىعى كوڭىل- كوتەرىپ، ءبي بيلەۋگە ارنالعانداي.
اسحات تارعىنوۆتىڭ كەزەكتى تۋىندىسى بۇرىنعىسىنان وزگەرەك بولدى. ويتكەنى بۇل جولى ءانشىنىڭ تاڭداۋى ليريكالىق انگە تۇسكەن. بەينەبايان تۇسىرىلگەن ءان «قارىنداس» دەپ اتالادى. ءسوزىن رينات زايىتوۆ، ال ءانىن ەسەن ءجۇسىپوۆ جازعان.
بەينەباياندى كورىپ، ءاندى تىڭداپ ۇلگەرگەندەر وڭ باعاسىن بەرىپ، جۇمىستىڭ ساپالى جاسالعانىن تىلگە تيەك ەتتى. تىڭدارمانداردىڭ كوبىسى توي ءانشىسىنىڭ باياۋ ىرعاقتى ءان تاڭداعانىنا قاتتى تاڭقالعان. دەسە دە تىڭدارماندار ءدال وسىنداي اندەردىڭ انشىگە جاراساتىنىن ايتىپ جاتىر.
