الماتىدا جوعالعان ستۋدەنتتىڭ دەنەسى وزەننەن تابىلدى
23 جاستاعى جاس جىگىتتىڭ مۇردەسى رىسقۇلوۆ كوشەسىنىڭ ماڭىنداعى تۇستا كەپتەلىپ قالعان.
بۇل تۋرالى قالالىق ءى ءى د رەسمي وكىلى سالتانات ازىربەك ايتتى.
«قالالىق پوليتسيا ىزدەستىرۋ جۇمىستارىن جەڭىلدەتۋ ءۇشىن قالالىق تابيعاتتى پايدالانۋ باسقارماسىنان ەسەنتاي وزەنىنىڭ اعىنىن باسەڭدەتىپ، سۋىن ازايتۋدى سۇراعان بولاتىن. سونىڭ ارقاسىندا جاس جىگىتتىڭ دەنەسى تابىلدى. ونىڭ نەدەن قازا بولعانىن انىقتاۋ ءۇشىن سوت- مەديتسينالىق ساراپتاما تاعايىندالدى»، - دەدى ول.
س. اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتىنىڭ ستۋدەنتى 30 -ساۋىردە جوعالعان بولاتىن. وسى ۋاقىتقا دەيىن ونىڭ ەسەنتاي وزەنىنە قۇلاپ كەتۋ ىقتيمالدىعى تەكسەرىلدى. جىگىتتىڭ دوستارى اسا ايقىن ەمەس ۆيدەودا ەر ادامنىڭ كوپىردەن سەكىرىپ كەتكەنىن ءتۇسىرىپ العان.
مارقۇمنىڭ جاقىندارى بىشكەكتەن الماتىعا جەتتى.
اۆتور: گۇلميرا عوسمانالي
