13:52, 04 - مامىر 2016 | GMT +5
ەۋرو وداق مۇشەلەرى بوسقىنداردى قابىلداۋدان باس تارتقانى ءۇشىن جازالاناتىن بولادى
استانا. قازاقپارات - جالپى ەۋروپالىق كۆوتا جۇيەسىنىڭ اياسىندا تاياۋ شىعىستان بوسقىنداردى قابىلداۋدان باس تارتقان ە و ەلدەرى قوماقتى ايىپپۇل تولەيتىن بولادى،
دەپ حابارلادى The Financial Times.
جالپى ەۋروپالىق كۆوتا جۇيەسىنىڭ اياسىندا تاياۋ شىعىستان بوسقىنداردى قابىلداۋدان دالەلدى سەبەپتەرسىز باس تارتقان ەۋرو وداققا قاتىسۋشى ەلدەرگە ايىپپۇل سالىنادى. ايىپپۇل تۋرالى زاڭنىڭ رەسمي ۇسىنىسى ەۋرو كوميسسياعا جىبەرىلەدى جانە بۇگىن، 4 - مامىردا قاراۋعا ۇسىنىلادى.
ايىپپۇل كولەمى ءار قابىلدانباعان بوسقىن ءۇشىن 250 مىڭ ەۋرونى قۇرايدى. الايدا بۇگىنگى كۇنى ايىپپۇل سوماسى تالقىلانۋدا. ءبىراق قالاي بولعاندا دا جۇزدەگەن مىڭ ەۋرومەن ەسەپتەلەدى. ەۋرو وداقتا قابىلدانعان بارلىق باعدارلاما 120 مىڭ بوسقىندى ورنالاستىرۋدى كوزدەيدى.
