تىكۇشاق اپاتىنان ءۇش ادام قازا تاپتى
استانا. قازاقپارات - كامچاتكا وڭىرىندە جەكەمەنشىك «روبينسون-44» تىكۇشاعىنىڭ اپاتى سالدارىنان ءۇش ادام كوز جۇمدى، دەپ حابارلادى BBC اگەنتتىگى.
رەسەيلىك ت ج م- نىڭ وڭىرلىك باسقارماسىنىڭ اقپاراتى بويىنشا، تىكۇشاق پەتروپاۆل- كامچاتكادان 80 شاقىرىمدا رۋسسكايا ءمۇيىسى جاعالاۋىنا قۇلاعان.
«قازىر ءۇش ادامنىڭ قايتىس بولعانى بەلگىلى، ىزدەۋ جۇمىستارى جالعاسۋدا»، - دەپ مالىمدەگەن ت ج م وكىلىنىڭ ءسوزىن كەلتىردى.
«روبينسون-44» ءتورت ادامعا ارنالعان. بورتتا قانشا ادام بولعانى ازىرگە ناقتى بەلگىسىز.
بۇدان بۇرىن قۇتقارۋشىلار اۋە كەمەسى ديسپەتچەرلىك قىزمەتتە ۇشۋعا تىركەلمەگەنىن حابارلاعان. الايدا ۇشقىشتىڭ ۇشىرىلىمعا رۇقساتى بولعانىن، ءبىراق باعداردان اۋىتقىپ كەتكەنى مالىمدەلدى.