تالدىقورعاندا «ءىلياس الەمى» فەستيۆالى ءوتتى

استانا. قازاقپارات - اقىن ءىلياس جانسۇگىروۆتىڭ شىعارماشىلىعىنا ارنالعان ستۋدەنت جاستار اراسىنداعى «ءىلياس الەمى» رەسپۋبليكالىق فەستيۆالى تالدىقورعان قالاسىندا ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىندە ءوتتى.

ءتورت جىلدان بەرى داستۇرگە اينالعان شارا اقىن ەسكەرتكىشىنىڭ الدىنا گۇل شوقتارىن قويۋدان باستالدى.

فەستيۆالدىڭ اشىلۋ سالتانىندا اتالعان ج و و رەكتورى قۋات بايمىرزايەۆ قۇتتىقتاۋ ءسوز سويلەپ، فەستيۆال جۇمىسىنا ساتتىلىك تىلەدى.

شاراعا ەلىمىزدىڭ ءار وڭىرىنەن 100 گە جۋىق ستۋدەنت جاستار جينالدى. فەستيۆالدا تەاترلاندىرىلعان كورىنىستەر قويىلىپ، ستۋدەنتتەر ءىلياس اقىننىڭ ومىرىنەن ۇزىندىلەر كورسەتتى. جەتىسۋ جەرىنىڭ بار تاماشاسىن پاش ەتەتىن اقىننىڭ «جالپى سىن» اتتى ولەڭىن وقىدى.

فەستيۆال اياسىندا «ءىلياس تانۋ» پلەنارلىق وتىرىسى، «الاشى ارداقتاعان اقىن» عىلىمي- پراكتيكالىق كونفەرەنسياسى، اقىننىڭ ءومىرى مەن شىعارماشىلىعىن ءبىلۋ دەڭگەيىنە قاتىستى «ءىشى التىن، سىرتى كۇمىس ءسوز قالدىرعان» اتتى ينتەللەكتۋالدىق كونكۋرس، «سوعايىن سوزىمنەن ءبىر سۇلۋ ساراي» تاقىرىبىندا ءمۇشايرا وتكىزىلدى. باسقوسۋ بارىسىندا قاتىسۋشىلار جارىسىپ قانا قويماي، ءوزارا پىكىر الماسىپ، تاجىريبە الماسىپ، اقىن ولەڭدەرىن جاتقا وقىدى.