05:12, 03 - مامىر 2016 | GMT +5
بەلگىلى تۇرىك ءانشىسى تاركان جۇما كۇنى سۇيىكتىسىمەن نەكەسىن قيدى
استانا. قازاقپارات - تۇركيانىڭ اتاقتى پوپ ءانشىسى، مەگاستار تاركان سۇيىكتىسىمەن نەكەسىن قيدى. بۇل تۋرالى Hurriyet.com حابارلايدى.
تاركان جۇما كۇنى تارابياداعى ۆيللاسىندا قاراپايىم ورتادا نەكەلەرىن قيدى. ال الداعى كۇندەرى كوپشىلىككە ۇيلەنۋ تويىن دۇركىرەتىپ جاساۋدى جوسپارلاپ وتىر.
قازىر تۇركيانىڭ بەلگىلى تۇلعالارى مەن جۇلدىزدارى ەكى جاسقا باقىت تىلەپ، ءوز قۇتتىقتاۋلارىن جولداۋدا. ەستەرىڭىزگە سالا كەتەيىك، جىل باسىندا جارىق جۇلدىزدىڭ وسى جىلى ۇيلەنەتىندىگى تۋرالى جازعان ەدىك. ايتا كەتكەن ءجون، ءانشىنىڭ جارى - پىنار ديلەك ەسىمدى تۇرىك قىزى. ول گەرمانيانىڭ دۋيسبۋرگ قالاسىندا دۇنيەگە كەلگەن. تاركان مەن پىنار وسىدان بەس جىل بۇرىن گەرمانياداعى كەزەكتى كونسەرتتەرىنىڭ بىرىندە تانىسىپتى. بەلگىلى بولعانداي، 30 جاستاعى ارۋ تاركان ونەرىنىڭ تابىنۋشىسى ەكەن.
www.24.kz
