بۇل كۇنى جازۋشى ساكەن يماناسوۆ دۇنيەگە كەلگەن
الماتى وبلىسىنىڭ الاكول اۋدانىندا تۋعان. ەڭبەك جولىن تەمىرجول قۇرىلىسىندا قاتارداعى جۇمىسشى بولىپ باستاپ، ۇجىمشار قىزمەتكەرى، اۋداندىق كومسومول كوميتەتىنىڭ نۇسقاۋشىسى قىزمەتتەرىن اتقارعان. 1959 -جىلدان باستاپ ءبىرىڭعاي جۋرناليستىك قىزمەتكە اۋىسقان.
«بالدىرعان» جۋرنالىندا، «قازاق مەملەكەتى» گازەتىندە، دۇنيەءجۇزى قازاقتارى قاۋىمداستىعىندا ىستەگەن. «جازۋشى» باسپاسىنىڭ رەداكتورى، رەداكسيا مەڭگەرۋشىسى، باس رەداكتورى بولعان. كەيىنگى جىلدارى الماتى وبلىستىق اكىمشىلىگىندە جاۋاپتى قىزمەت اتقارعان. قازاق ك س ر جوعارعى كەڭەسىنىڭ دەپۋتاتى بولىپ سايلانعان. اقىننىڭ العاشقى ولەڭى 1956 - جىلى جارىق كورگەن. سودان بەرگى كەزەڭدە «تۋعان اۋىل»، «اق ايدىن»، «اق داريعا»، «جايدارمان»، «عاشىق دۇنيە»، «التىن ايماق»، «عاشىقپىن ساعان»، «بەل- بەلەس»، «ادىرنا»، «جەبە» اتتى كىتاپتارى جارىق كورگەن.
2001 -جىلى «قالامداستارىم مەن زامانداستارىم» اتتى ەسسەلەر، پايىمدامالار، ارناۋ ولەڭدەر كىتابى، 2003 -جىلى «ەلوردا» باسپاسىنان سوڭعى ون شاقتى جىل ىشىندە جازىلعان ولەڭدەرى «ونەردىڭ ءجۇزى» دەگەن اتپەن، ەستەلىكتەرى «جازۋشى» باسپاسىنان «قالام مەن زامان» دەگەن اتپەن شىققان. كوركەم اۋدارما سالاسىندا ونىڭ تارجىماسىمەن شىعىس شايىرى جالالاددين رۋمي، ورىس اقىندارى ا. كولتسوۆ، ۆ. ماياكوۆسكيي، انگولا اقىنى ا. نەتتو كىتاپتارى قازاق تىلىندە جارىق كورگەن.
2012 -جىلدىڭ 10 - جەلتوقسان كۇنى الماتى قالاسىنداعى ۇيىندە قايتىس بولدى.
