12:05, 02 - مامىر 2016 | GMT +5
قازاق تىلىنە دۋبلياجدالعان «اليسا اينانىڭ ارعى بەتىندە» فيلمى ۇلكەن ەكراندارعا جول تارتپاق - فوتو
استانا. قازاقپارات - «بولاشاق» قاۋىمداستىعى Disney ستۋدياسىنىڭ «اليسا اينانىڭ ارعى بەتىندە» اتتى قازاق تىلىنە دۋبلياجدالعان فيلمىن قازاقستاننىڭ ۇلكەن ەكراندارىنا شىعارماق.
«دوستار، 26 - مامىردان باستاپ، قازاقستاننىڭ ۇلكەن ەكراندارىنا Disney ستۋدياسىنىڭ «اليسا اينانىڭ ارعى بەتىندە» اتتى قازاق تىلىنە دۋبلياجدالعان فيلم شىعاتىنى تۋرالى سىزدەرمەن بولىسپەكپىز»، - دەلىنگەن «بولاشاق» قاۋىمداستىعىنىڭ باسپا ءسوز قىزمەتى تاراتقان حابارلامادا.
قازىرگى تاڭدا «Aray Media Group» كاسىبي دىبىس جازۋ ستۋدياسىندا رەجيسسەر ايجان ءجامشيتوۆانىڭ قاتىسۋىمەن مونتاجداۋ جانە دۋبلياجداۋ جۇمىستارى جۇرگىزىلىپ جاتىر.
«اليسا اينانىڭ ارعى بەتىندە» - ليۋيس كەروللدىڭ ۇمىتىلماس كەيىپكەرلەرى قاتىساتىن اسەرلى وقيعا. اليسا ەسسىز قالپاقشىنى قۇتقارۋ ءۇشىن وتكەن شاققا ساياحاتقا اتتانىپ، جەر استىنىڭ حيكمەتتى الەمىنە قايتا ورالادى.
