09:11, 02 - مامىر 2016 | GMT +5
بالانىڭ ءتىلىن قالاي دامىتۋعا بولادى؟
استانا. قازاقپارات - امەريكالىق عالىمدار كلاسسيكالىق مۋزىكا بالانىڭ ءتىلىن دامىتۋعا كومەكتەسەتىنىن مالىمدەدى. ماماندار بۇنداي مالىمدەمەنى 9-ايلىق 39 بالامەن جۇرگىزگەن زەرتتەۋىنەن سوڭ جاريالادى،
دەپ جازادى massaget.kz.
بۇلدىرشىندەر ەكى توپقا ءبولىندى: 20-سى تاجىريبەلىك توپقا، 19-ى باقىلاۋ توبىنا كىردى. تاجىريبەلىك توپ 15 مينۋتتان مۋزىكا پانىنەن 12 ساباق الدى. ال كەلەسى توپ تانىمدىق ساباقتارعا قاتىستى، ءبىراق ەشقانداي مۋزىكا تىڭدامادى. تاجىريبەلىك توپتاعى بالالاردىڭ مي بەلسەندىلىگى باقىلاۋ توبىنداعىلارعا قاراعاندا اناعۇرلىم جوعارى بولىپ شىقتى.
تاجىريبەلىك توپتىڭ بۇلدىرشىندەرى مۋزىكا ىرعاعىنىڭ ريتمىنە جانە سوزىنە، ونداعى وزگەرىستەرگە اسا ءمان بەردى. سوندىقتان دا ماماندار مۋزىكانىڭ ءتىلدى دامىتۋعا سەپتىگى تيەدى دەگەن قورىتىندى جاسادى.
