استانا تۇرعىندارى مەن قوناقتارى قازاقستان حالقىنىڭ بىرلىگى كۇنىن اتاپ وتۋدە - فوتو رەپورتاج
استانادا اكىمدىگىنىڭ مالىمەتىنشە، قالا اۋماعىنداعى كونسەرتتىك باعدارلاما ساعات 23:00-گە دەيىن جالعاسادى.
اتاپ ايتقاندا، «قازاق ەلى» مونۋمەنتى الدىنداعى الاڭدا ءاربىر ەتنومادەني بىرلەستىكتەر ۇلتتىق تاعامدارىن ازىرلەپ، مەرەكەلىك داستارقان جايدى جانە ونىڭ ۇزىندىعى 50 مەتردەن اسىپ ءتۇستى. جالپى قالا بويىنشا الاڭداردا قۇرىلعان ساحنالاردا 450-گە جۋىق ارتىستەر مەن شىعارماشىلىق ۇجىمدارى ونەرلەر كورسەتەدى. قازىرگى ساتتە قالا بويىنشا ۇلتتىق سپورت تۇرلەرىنەن جارىستار، سونداي- اق مەرەكەلىك جارمەڭكەلەر، قولونەر شەبەرلەرلەرىنىڭ كورمەسى ءوتىپ جاتىر.
سونىمەن قاتار، بۇگىن استاناداعى «اتامەكەن» قازاقستان كارتاسى» ەتنو- مەموريالدىق كەشەنىندە «تاتۋلىقتىڭ تال بەسىگىن تەربەتكەن» كونسەرتتىك باعدارلاماسى ۇيىمداستىرىلدى. م. گوركي اتىنداعى ورىس دراما تەاترىندا، «قۋىرشاق تەاترىندا»، «استانا وپەرا» مەملەكەتتىك وپەرا جانە بالەت تەاترىندا بىرلىك پەن تاتۋلىق مازمۇنىندا قويىلىمدار مەن كونتسەرت وتەدى دەپ كۇتىلۋدە. مۇنىمەن قوسا، كەشقۇرىم «كونگرەسس- حوللدا» ءانشى سايات مەدەۋوۆتىڭ «وتانىم مەنىڭ» اتتى كونسەرتى وتەدى.
