استانا ءتارتىپ ساقشىلارىنىڭ پاترۋلدىك قايىعى ەسىل وزەنىندە قىزمەت ەتەدى
استانا قالالىق ءى ءى د- ءنىڭ باسشىسى، پوليتسيانىڭ گەنەرال- مايورى امانتاي اۋباكىروۆتىڭ ايتۋىنشا، «Kazboat-47» قايىعىمەن ەلوردالىق پوليتسەيلەر باقىلاۋ جۇرگىزەدى. ولاردىڭ مىندەتىنە استانا اكۆاتوريىنىڭ ەسىل وزەنىندە ءتارتىپتى كۇزەتۋ، جەدەل- ىزدەۋ، سونداي- اق قۇتقارۋ جۇمىستارىن جۇرگىزۋ كىرەدى. كەمە سۋداعى پوليتسيا پۋنكتى بولىپ ەسەپتەلەدى.
پوليتسيا جاساعىنىڭ قۇرامىنا استانا قالالىق ءى ءى د جەرگىلىكتى پوليتسيا قىزمەتىنىڭ جول- پاترۋلدىك پوليتسيا پولكىنىڭ ارنايى دايىندىقتان وتكەن ەكى قىزمەتكەرى جانە ءبىر كەمە جۇرگىزۋشىسى كىرەدى. پاترۋلدەۋ ۋاقىتى - كۇن سايىن ساعات 14:00-دەن باستاپ، 21:00-گە دەيىن.
پوليتسيانىڭ كەمەسى دابىل، جىلجىمالى راديو قۇرىلعى جانە بارلىق قاجەتتى ارنايى قۇرالدارمەن، سونداي- اق قۇتقارۋ كۇرتەلەرىمەن، ءورت سوندىرگىش قۇرالدار جانە العاشقى مەديتسينالىق كومەك كورسەتۋگە ارنالعان قوبديشامەن جابدىقتالعان.
