08:30, 01 - مامىر 2016 | GMT +5
ءۇندىستاندا اپتاپ ىستىق: جەرگىلىكتى بيلىك كۇندىز تاماق پىسىرۋگە تىيىم سالدى
استانا. قازاقپارات - ءۇندىستان بيلىگى ەلدىڭ كەي ايماقتارىندا ءورتتىڭ الدىن الۋ ماقساتىندا كۇندىز تاماق پىسىرۋگە تىيىم سالدى، دەپ حابارلايدى شەتەلدىك ب ا ق.
ايتا كەتەيىك، سوڭعى ۋاقىتتاردا ءۇندىستاندا قۇرعاق ءارى قاتتى ىستىق اۋا رايى ايماقتاردا ءورت شىعۋعا بىردەن- ءبىر سەبەپ بولىپ وتىر. كەي جەرلەردە اۋا تەمپەراتۋراسى 44 گرادۋس سەلسييگە دەيىن كوتەرىلگەن.
قاۋىپتى ايماقتاردىڭ قاتارىنا ءۇندىستاننىڭ سولتۇستىك- باتىسىنداعى بيحار شتاتى كىردى. ول جەردە بيلىك جەرگىلىكتى تۇرعىندارعا ساعات تاڭعى 9-دان كەشكى 18-گە دەيىن تاماق پىسىرۋگە تىيىم سالدى. سەبەبى ول جەردەگى ۇيلەردىڭ باسىم بولىگىنىڭ شاتىرى سابانمەن جابىلاعان. ايماقتا ۇنەمى جەل سوعىپ تۇرعاندىقتان شاتىردان ءورت شىعۋى مۇمكىن. باسىلىم جازعانداي، وسىنداي ءورت سالدارىنان 79 ادام، ونىڭ ىشىندە 10 بالا قايتىس بولعان. تاماق پىسىرۋدەن بولەك ەلدە وتتى قاجەت ەتەتىن كەيبىر ءدىني جورالعىلاردى دا جاساۋعا دا تىيىم سالدى. ەرەجەنى بۇزعاندار قاتاڭ جازالاناتىن بولادى.
