قايرات نۇرتاستىڭ تۋعان بولەسى قالاي ۇزاتىلدى - فوتو
«شەتەلدە تانىستىق، ەكى جىلداي ءجۇرىپ، ەندى مىنە بۇگىن تويىمىز وتۋدە. وتە وقىمىستى، «بولاشاق» باعدارلاماسىمەن بىتىرگەن»، - دەيدى اقەركە تاجىبايەۆا.
اقەركە العاش رەت سۇيىكتىسىمەن ا ق ش- تا تانىسىپتى. تويدى قوس تىلدە ەكى بىردەي اسابا باسقاردى. قوبىزشى قىزدىڭ كەلىندىك قىزمەتىن وپ-وڭاي اتقارىپ كەتەتىنە ارىپتەستەرىمەن قاتار تۋىسقاندارى دا سەنەدى. اقەركەنىڭ قۋانىشىمەن بولىسۋگە اسىعا جەتكەن انشىلەر قاتارىندا باقىت شادايەۆا، سيۆي ماحمۋدي، «سالامات»، «دومينو» توبى بار.
ال اقەركەنىڭ ءوزى بولسا، اناسى ۇيرەتكەن ەت اسۋ، كەسپە كەسۋ سىندى وزگە دە تاعام تۇرلەرىن ازىرلەۋدە الدىنا جان سالمايتىنىن جەتكىزدى. ونىڭ ۇستىنە وڭتۇستىكتىڭ قىزى.
«جارىم كەز-كەلگەن تاماقتى جەي بەرەدى ەكەن. اسا ءبىر كىرپياز ەمەس»، - دەيدى قوبىزشى.
تۇركىستاندىق ارۋدىڭ جۇرەگىن جاۋلاعان ەسەنجول اقتوبەنىڭ تۋماسى دەپ حابارلايدى baistars.kz. تويعا قايراتتىڭ اتا-اناسى گۇلزيرا مەن نۇرتاس كەلدى.
ايتا كەتەيىك، اقەركە الماتىداعى احمەت جۇبانوۆ اتىنداعى دارىندى بالالارعا ارنالعان رەسپۋبليكالىق مۋزىكا مەكتەبىنىڭ تۇلەگى. ول رەسپۋبليكالىق، حالىقارالىق بايقاۋلاردىڭ جۇلدەگەرى.
ليتۆا، مولدوۆا، ۆەنگريا، گوللانديا، گەرمانيا، قىتاي جانە تۇركيانىڭ كوپتەگەن قالالارىندا تىڭدارماندارعا قازاقتىڭ قىلقوبىزىنىڭ ءۇنىن جەتكىزىپ، ونەرىمەن ءسۇيسىنتىپ ۇلگەرگەن تالانت يەسى.
