استانادا كاسسالىق اپپاراتى جوق تاكسيشىلەر جاپپاي جازالانىپ جاتىر
ءتىپتى، كولىكتەرىندە كاسسالىق اپپارات پەن تاكسومەترلەر جوقتارىنا شەتىنەن ايىپپۇل سالىنۋدا. جول-جونەكەي ماشيناسىنا كىسى وتىرعىزعاندار دا جازادان قاشىپ قۇتىلا المايدى. بارلىعىن سالىق تولەۋگە ماجبۇرلەپ جاتقاندار «ەكسپو» قارساڭىندا باس قالانى زاڭسىز ءناپاقا تاباتىن تاكسيشىلەردەن تازارتپاق ويدا.
استانانىڭ جول ساقشىلارى تاڭنان بەرى تاكسيشىلەردى وسىلاي توقتاتىپ جاتىر. ءبىراق، بۇل جولى ولارعا پوليتسەيلەر ەمەس، سالىقشىلار شۇيلىگۋدە. ويتكەنى، ەلوردادا سالىقتان جالتارىپ زاڭسىز جولاۋشى تاسىمالدايتىندار كوبەيگەن.
ءبىراق، زاڭ وكىلدەرى ءاي-شايعا قاراعان جوق. ال انشەيىندە كاسسالىق اپپاراتسىز-اق ەمىن-ەركىن جۇرگەن تاكسيشىلەر مۇنداي ەرەجەنى سالىقشىلاردان ەستىپ اڭ-تاڭ. زاڭ بويىنشا، ولار جەكە كاسىپكەر رەتىندە تىركەلىپ، كولىگىندە كاسسالىق اپپاراتتان بولەك، تاكسومەتر جانە بانك كارتاسىمەن تولەم قابىلداۋ ءۇشىن تەرمينال بولۋى ءتيىس ەكەن. ايتپەسە، 30 مىڭ تەڭگە ايىپپۇل ارقالايدى.
«بۇعان دەيىن وسىنداي 12 تاكسي جۇرگىزۋشىسىنە ايىپپۇل سالدىق. قازىر ولار تىركەلىپ، زاڭ بويىنشا جۇمىس ىستەپ ىستەپ جاتىر. نەگىزىنەن جۇرگىزۋشىلەر ءبىر ايدا تاپقان تابىسىنىڭ 2 پايىزىن سالىق رەتىندە بيۋدجەتكە تولەۋى ءتيىس»، - دەيدى استانا قالالىق مەملەكەتتىك كىرىس دەپارتامەنتىنىڭ ءبولىم جەتەكشىسى ايجان مۇرزاحمەتوۆا.
ەلوردادا تاكسيشىلەرمەن قوسا، جولشىباي كىسى تاسىپ اقشا تاباتىندارعا دا كۇرەس جاريالانعان. ولار دا كاسىپكەر رەتىندە تىركەلىپ، بيۋدجەتكە سالىق تولەۋى ءتيىس ەكەن.
نەگىزى، استاناداعى جۇرگىزۋشىلەردىڭ باسىم بولىگى كەلىسىلگەن اقىسىنا ادام تاسيتىنى جاسىرىن ەمەس. ءتىپتى، قول كوتەرسەڭىز بولدى، كوشەنىڭ ورتاسىنا دا توقتاپ، الىپ كەتۋگە دايىن.
قۇنى كادىمگى تاكسيلەردەن ارزانىراق مۇنداي جولشىباي جۇرگىزۋشىلەرگە سالىق تولەتۋدىڭ قيىنعا سوعاتىن ءجونى بار. ويتكەنى، ولار قاسىنداعى «كليەنتىن» تۋىسىم دەپ اقتالا كەتەدى ەكەن. ءارى ونىڭ ادام تاسىپ اقشا تاپقانىن دالەلدەۋ مۇمكىن ەمەس.
ال «ەكسپو» كەزىندە بۇلاردىڭ بىردە-ءبىرى استانا كوشەلەرىندە ەمىن-ەركىن جۇرە المايدى. سەبەبى سالىقشىلار حالىققا كورسەتىلەتىن قىزمەتتىڭ ءبارى «كاسىپكەرلىككە» جاتادى دەپ وتىر.
