الماتىنىڭ الاتاۋ جانە جەتىسۋ اۋداندارىندا ءبىرقاتار ءۇيدى سۋ باستى - كەسكىن

استانا. قازاقپارات - الماتىنىڭ الاتاۋ جانە جەتىسۋ اۋداندارىندا ءبىرقاتار ءۇيدى سۋ باستى. بۇل تۋرالى ق ر ءى ءى م توتەنشە جاعدايلار كوميتەتىنەن حابارلادى.

ۆەدومستۆو اقپاراتىنا قاراعاندا، الاتاۋ اۋدانى العاباس شاعىن اۋدانىنىڭ بەيبىتشىلىك، جەلتوقسان جانە اقساي كوشەلەرى بويىنشا 27 تۇرعىن ءۇي مەن 27 اۋلاعا سۋ كىرگەن. ال جەتىسۋ اۋدانىندا ەسەنتاي وزەنىنىڭ ارناسىنان سۋ اسۋى سالدارىنان لەتنيايا مەن ۇيعىر كوشەلەرى بويىنداعى 37 جەكە تۇرعىن ءۇي مەن 27 اۋلانى سۋ باسقان.

قازىرگى ۋاقىتتا ازاماتتىق قورعانىس قىزمەتىنىڭ ماماندارى مەن تەحنيكالارى جەكە تۇرعىن ءۇي اۋماقتارىنان سۋدى سورۋ، وزەن ارنالارىن بيىكتەتۋ جۇمىستارىن جۇرگىزىپ، سۋ تاسقىنى قاۋپى بار ۋچاسكەلەردەگى حالىقتى قۇلاقتاندىرۋ جۇمىستارىن جۇرگىزۋدە. قاۋىپسىز جەرگە كوشىرىلگەن تۇرعىندار الاتاۋ اۋدانىندا 185№ مەكتەپكە، ال جەتىسۋ اۋدانىندا 87№ مەكتەپكە ورنالاستىرىلدى.

جاڭبىر سۋ سالدارىن جويۋعا 382 مامان مەن 80 تەحنيكا جۇمىلدىرىلدى. سونىمەن قاتار ازاماتتىق قورعانىستىڭ كولىك قىزمەتى توتەنشە جاعداي اۋماعىنان حالىقتى قاۋىپسىز جەرگە كوشىرۋ ءۇشىن 1 مىڭ اۆتوبۋس دايىنداپ قويدى.

ايتا كەتەرلىگى، «قازگيدرومەت» ۇسىنعان مالىمەتتەرگە سايكەس، وتكەن تاۋىلكتە قالا اۋماعىنا 55 م م. جاڭبىر جاۋعان، بۇل ورتاشا ايلىق نورمادان تىس. اۋا رايى بولجامىنا قاراعاندا، 12 ساعاتتان كەيىن تاعى دا جاڭبىر جاۋادى.