وڭتۇستىك كورەيا سپورتشىلارى ساقتانىپ جاتىر

استانا. قازاقپارات - وڭتۇستىك كورەيا قۇراماسىنىڭ فورماسى ريو-دە-جانەيرودا وتەتىن جازعى وليمپيادا ويىندارىندا سپورتشىلاردى زيكا ۆيرۋسىن تاراتۋشى ماسالاردان قورعايدى.

بۇل تۋرالى وڭتۇستىك كورەيانىڭ ۇلتتىق وليمپيادا كوميتەتىنىڭ باسشىلارى فورمانى تانىستىرۋ كەزىندە ايتتى، دەپ حابارلايدى Associated Press.

وڭتۇستىك كورەيانىڭ ۇ و ك 2016-جىلعى وليمپيادا ويىندارىندا سپورتشىلاردىڭ كيەتىن رەسمي فورماسىن تانىستىردى. جەڭى ۇزىن كۇرتە مەن قاتتى ماتادان تىگىلگەن شالبارعا ماسا جۋىتپايتىن ارنايى حيميكاتتار قولدانىلعان. سپورتشىلار بۇل فورمانى كەشكى سالتاناتتى راسىمدە جانە وليمپيادا قالاشىعىندا كيىپ جۇرەدى.

ۇ و ك ويىندار بارىسىندا ەشقانداي وزگەرىستەر جاساۋعا مۇمكىندىكتىڭ جوقتىعىنان وسىنداي فورمانى ارنايى ازىرلەگەندەرىن ايتادى.

وليمپيادا ويىندارى 5-21- تامىز ارالىعىندا وتەدى.

BNews.kz