ن. نازاربايەۆ: بىرلىك - ءبىزدىڭ قاسيەتتى تۋىمىز
ونىڭ كوپ الدىندا سويلەگەن كەزدە ەڭ ءجيى اۋىزعا الاتىنى دا بەرەكە-بىرلىكتى ساقتاۋ ماسەلەسى ەكەنى بارشاعا ءمالىم. بۇل رەتتە مەملەكەت باسشىسىنىڭ ءار كەزدەرى ايتقان، بۇگىندە قاناتتى سوزگە اينالىپ كەتكەن سان الۋان تاقىرىپتاعى ورالىمدى وي، پايىمدى پىكىرلەرى جەتكىلىكتى.
ەرتەڭگى ۇلىق مەرەكە - قازاقستان حالقىنىڭ بىرلىگى كۇنى قارساڭىندا اقوردانىڭ فەيسبۋكتەگى پاراقشاسىندا ەلباسى نۇرسۇلتان نازاربايەۆتىڭ ەل بىرلىگى جونىندەگى ناقىل سوزدەرىنىڭ توپتاماسى جاريالاندى:
***
بىرلىك، ىنتىماق، سابىرلىلىق پەن پاراساتتىلىق، ەڭ الدىمەن، وزىمىزگە - قازاقتارعا كەرەك.
***
بىرلىك - ءبىزدىڭ قاسيەتتى تۋىمىز.
***
ۇدەۋدىڭ سىرى - بىرلىكتە.
جۇدەۋدىڭ سىرى - الاۋىزدىقتا.
***
باق تا، تاق تا تالاسقانعا بۇيىرمايدى، حالىقتىق ىستە جاراسقانعا بۇيىرادى.
***
ءبىزدىڭ بابالارىمىز ءتىرى بولۋى ءۇشىن ءبىر بولعان، ءبىز ءىرى بولۋ ءۇشىن ءبىر بولۋىمىز كەرەك.
***
تەك بىرلەسىپ قانا، بۇكىل حالىقتىڭ كۇش-جىگەرىن بىرىكتىرىپ قانا ءبىز العا باسا الامىز.
***
ەگەردە حالىقتىڭ بىرلىگى بولماسا، وتان سۇيگىشتىك جانقيارلىعى بولماسا، بۇل جەر، قازاق دەگەن حالىق، قازاقستان دەگەن تاۋەلسىز ەل دە بولماس ەدى.
***
بىرلىگى بەرەكەلى، تىرلىگى مەرەكەلى، ىنتىماعى جاراسقان ەلدىڭ عانا ىرىسى مەن تابىسى مول بولماق.
***
ەل بىرلىگى - ەڭ اسىل قاسيەت.
***
قازاقتى ەش ۋاقىتتا سىرتتان جاۋ العان ەمەس، الا العان ەمەس، قازاق السىرەسە - الاۋىزدىقتان السىرەگەن، كۇشەيسە - بىرلىكتەن كۇشەيگەن.
***
قازاق وزىمەن-ءوزى تاتۋ بولماي، وزگەمەن ەشقاشان تاتۋ بولا المايدى.
