الماتىدا ۇزدىك ساقال يەسىن تاڭداۋ سايىسىنا ارۋلار دا قاتىستى - فوتو

 استانا. قازاقپارات - الماتىدا «برادو- ارت» دەپ اتالاتىن ەرەكشە سايىس ءوتتى. وندا ءتىپتى ەرلەرمەن بىرگە قىزدار دا قاتىستى. جەڭىمپاز حالىقارالىق سايىستا قازاقستاننىڭ اتىنان قاتىسىپ، ەل نامىسىن قورعاماق. بۇل تۋرالى ەكسپرەسس ك باسىلىمى حابارلايدى.

كونكۋرس شارتى بويىنشا قاتىسۋشى تەك مۇرت پەن ساقال تاعىپ شىعا سالمايدى. ولار بەلگىلى ءبىر ءرولدى سومداپ شىعۋى ءتيىس.

 «ءوزىمنىڭ باستى قارسىلاسىم رەتىندە ءامينا ءسابيتوۆانى سانايمىن. ول سپارتاندىق لەونيد پاتشانى وتە جاقسى سومدادى. ءتىپتى ونىڭ قىز ەكەنىن دە ۇمىتىپ كەتىپپىن»، - دەيدى قاتىسۋشىلاردىڭ ءبىرى كاميلا المەشيەۆا.

گاۋحار مايماقوۆا شىڭعىسحاننىڭ ءرولىن كورسەتسە، لولا شامسان ەسىمدى قاتىسۋشى اراب شەيحتارىنىڭ كەيپىنە ەنىپ كەتتى. كەلۋشىلەردىڭ تاڭقالدىرعانداردىڭ ءبىرى، شوتلاند كوستيۋمىن كيگەن ستاس كايدالوۆ. ول ساقالىن جۇرەك بەينەسىندە جاساپ كەلىپتى.

ءادىلقازىلار القاسى ۇزدىك ۇشتىكتى اتاماس بۇرىن، قاتىسۋشىلاردى جەكەلەگەن اتالىم بويىنشا ماراپاتتادى. ەڭ جۇمساق ساقالدىڭ يەسى الەكساندر پۋشكينگە «ەلىكتەگەن» ءتورت جاستاعى ميكحاەل اۋدو اتاندى. كورەرمەن كوزايىمى اتاعىن "شەيح" دميتري كاتس پەن "سپارتاندىق" ءامينا ءسابيتوۆا جانە "سۇلتان" تيمۋر يبىشيەۆ يەلەندى.

ال داۋلى ءانشى كونچيتا ۆۋرستتى بەينەلەگەن كاميلا المەشيەۆا 100 مىڭ تەڭگەلىك سەرتەفيكات جانە ءۇشىنشى ورىندى ەنشىلەدى. ال كۇمىس جۇلدە مەن ەۆروپاعا ساياحاتتاۋعا مۇمكىندىك بەرەتىن ەكى بيلەت تيمۋر يبىشيەۆكە بۇيىردى. ال ا ق ش- تاعى جارىسقا ەلىمىزدىڭ اتىنان ستاس كايدالوۆ قاتىساتىن بولدى.

Stan.kz