الەم چەمپيونى كورشىسىنىڭ تۇسىنە بولا كوتتەدجىنەن ايىرىلۋى مۇمكىن

استانا. قازاقپارات - الماتى قالاسىندا دجيۋ- دجيتسۋ سپورتىنىڭ چەمپيونى كورشىسىنىڭ قورقىنىشتى تۇسىنە بولا كوتتەدجىنەن ايىرىلىپ قالۋى مۇمكىن. ىرىمشىل بيزنەسمەن تۇسىندە سپورتشىنىڭ ءۇيى ورتەنىپ، وتتىڭ ءوز مونشاسىن جالماپ كەتكەنىن كورگەن، - دەپ حابارلايدى «ك ت ك» ارناسى.

بارلىعى وسى تۇستەن باستالعان. سپورتشىنىڭ كورشىسى ءتىپتى سوتقا شاعىمدانعان. ەندى يادگار قاسىموۆ ءۇيىن بۇزۋى نەمەسە باسقا جەرگە كوشىرۋى كەرەك.

 «ءۇيدى تولىقتاي بۇزامىز. ءدال ءقازىر شاتىرىن بۇزىپ جاتىر. ءبىزدىڭ امالىمىز جوق. ولار كەلىپ بۋلدوزەرمەن بۇزادى نەمەسە ءبىز ءوزىمىز شەتىنەن بۇزامىز»، - دەيدى سپورتشى.

دجيۋ- دجيتسۋ چەمپيونى بۇل سوققىنىڭ ەرەجەدەن تىس ەكەنىن مويىندايدى. جارىستان ۇيگە قايتا ورالعان يادگار جاڭالىقتى ەستىپ، قايران قالعان. پروتسەسستى ارەڭ توقتاتىپ ۇلگەرگەن. بارلىعىنا كورشىسىنىڭ ءتۇسى سەبەپ بولعان ەكەن.

"ول ءوزىنىڭ قورقىنىشتى ءتۇس كورگەنىن ايتادى. ايتۋىنشا، ءبىزدىڭ ءۇي ورتەنىپ، ونىڭ مونشاسى دا جانىپ كەتۋى مۇمكىن"، - دەيدى سپورتشى.

كورشىسى سوتتا قورقىنىشتى تۇسىنەن بولەك، يادگاردىڭ ءۇيى ءوزىنىڭ قاقپاسىنا تىم جاقىن ورنالاسقانىن ايتقان. ەرەجەگە ساي 3 مەتر ەمەس، 2,5 م قاشىقتىقتا ورنالاسقان ەكەن. ال سپورتسمەن وسىدان 9  جىل بۇرىن ءۇي سالىنا باستاعاندا مۇلدەم بولەك ستاندارتتاردىڭ بولعانىن ايتادى. وسى ۋاقىت ىشىندە ەشقانداي كەلىسپەۋشىلىكتەر بولماعان- دى.

"بۇل مونشانىڭ ءومىر سۇرۋگە قۇقىعىسى بار، ال ءبىزدىڭ ءۇيدىڭ ودان ءبىر جەرى كەم بە؟ ەگەر سوت ۇكىم شىعارعان ەكەن، نەگە ونىڭ مونشاسى ءالى كۇنگە دەيىن تۇر؟ ! ونى دا الىپ تاستاۋلارى كەرەك قوي. ءبىز كورشىمىزگە ءتۇرلى نۇسقا ۇسىندىق. قاقپانى كوتەرىپ، ءتىپتى ءۇيدى 60 سم كەرى جىلجىتا الاتىنىمىزدى ايتتىق! جوق، ول ءۇيدىڭ تولىقتاي قيراتىلعانىن قالايدى!"، - دەيدى وكسانا قاسىموۆا.

مونشا قاسىموۆتىڭ ۇيىنە قاراعاندا، دۋالعا جاقىن ورنالاسقان. الايدا بۇل ماسەلە ەشكىمدى قىزىقتىرمايتىن كورىنەدى. وسىلايشا كورشىسىنىڭ ۇيقىسىن بۇزباۋ ءۇشىن يادگار سپورتتىق دايىندىقتارىن شەتكە ىسىرىپ، قولىنا قۇرال- سايمانىن الۋعا ءماجبۇر بولعان.