ساۋد ارابياسى قاجىلىققا كەلەتىندەردىڭ سانىن ەكى ەسە ارتتىرۋدى جوسپارلاپ وتىر

استانا. قازاقپارات - ساۋد ارابياسى بيلىگى جىل سايىن كورولدىك اۋماعىنا كىشى قاجىلىق جاساۋعا كەلەتىندەردىڭ سانىن ەكى ەسەگە ارتتىرۋدى جوسپارلاپ وتىر.

قازىرگى ۋاقىتتا جىل سايىن 8 ميلليون جان كىشى قاجىلىق ءراسىمىن وتەيتىن كورىنەدى. ال -جىلى بۇل كورسەتكىش 15 ميلليونعا كوتەرىلمەك، دەپ جازادى muslim.kz.

كورولدىكتىڭ الداعى 15 جىل ىشىندەگى دامۋ جوسپارى تالقىلانعان وتىرىس بارىسىندا وسى جوسپار جايى جان-جاقتى پىسىقتالىپ، ناقتى مىندەتتەر جۇكتەلدى.