قازاقستاندىق كاسىپقوي بوكسشى قارسىلاسىمەن تەڭ ءتۇستى

استانا. قازاقپارات - جارتىلاي جەڭىل سالماقتا جۇدىرىقتاساتىن قازاقستاندىق كاسىپقوي بوكشى ەرجان زاليلوۆ ماسكەۋدە ۋكراينالىق ارنولد حەگايمەن جەكپە-جەك وتكىزىپ، تەڭ ءتۇستى.

سەگىز راۋندقا سوزىلعان جەكپە-جەك قورىتىندىسى بويىنشا تورەشىلەر ۇپاي سانى بويىنشا قوس بوكسشى اراسىنداعى كەزدەسۋدە تەڭ ناتيجە تىركەدى. وسىعان دەيىن ەرجان شارشى الاڭدا 4 جەكپە-جەك وتكىزىپ، بارلىعىندا جەڭىسكە جەتكەن بولاتىن. ال ارنولد حەگاي وسال قارسىلاس ەمەس ەدى. سپورتتىق مانسابىنداعى 5 كەزدەسۋىندە دە جەڭىسكە جەتكەن. ونىڭ 4 ءىن مەزگىلىنەن بۇرىن اياقتاعان، دەپ حابارلايدى massaget.kz.

ايتا كەتەيىك، ەرجان زاليلوۆتىڭ كەلەسى كەزدەسۋى وتەتىن ۋاقىت تا بەلگىلى. 22 جاستاعى قازاقستاندىق بوكسشى 18- ماۋسىم كۇنى ۆالەنسيادا (يسپانيا) كولۋمبيالىق دجەففەرسون ۆارگاسپەن جۇدىرىقتاسادى. ول كاسىپقوي رينگتە 3 كەزدەسۋ وتكىزىپ، 2 ەۋىندە جەڭىلىس تاپقان. جەكپە-جەك سەگىز راۋندقا جوسپارلانعان.