ءماجىلىس دەپۋتاتى ف. قاراتايەۆ: تاۋەلسىز قازاقستان - تاتۋلىق مەكەنى
- تاۋەلسىز قازاقستان - تاتۋلىق مەكەنى. بۇل ۇعىم بۇگىنگى تاڭدا الەمدىك دەڭگەيدە مويىندالعان. بارلىق ۇلتتاردى ءبىرتۇتاس ەلدىڭ بەيبىت تۇرعىنى ەتىپ، ءبىر شاڭىراقتىڭ استىنا بىرىكتىرۋ، «ءبىر ەل - ءبىر تاعدىر» يدەياسى بويىنشا ورتاق ماقساتقا جۇمىلدىرۋ ءبىزدىڭ مەملەكەتىمىزدىڭ ۇستانعان نەگىزگى ساياساتى. ەل ءىشى تىنىش، ىرگەمىز مىقتى بولسىن دەگەن ماقساتتا 1995-جىلى 1- ناۋرىزدا ەلباسى ن. ءا. نازاربايەۆ قازاقستان حالقى اسسامبلەياسىن قۇرۋ تۋرالى جارلىققا قول قويدى. بۇل ۇيىمنىڭ قوعامداعى ءرولى مەن ماڭىزىن ۋاقىتتىڭ ءوزى دالەلدەپ كورسەتتى. بۇگىنگى تاڭدا الەم ەلدەرى ۇلگى الۋدا.
مىسالى، ءوزىم تۋىپ-وسكەن جانە ەڭبەك ەتكەن وڭتۇستىك قازاقستان وبلىسىندا جۇزدەن استام ۇلتتىڭ وكىلدەرى بەيبىت ءومىر ءسۇرىپ جاتىر. ولار وقۋدا دا، ەڭبەكتە دە بىرگە. قوعامدىق كەلىسىم مەن تاتۋلىقتىڭ ارقاسىندا ەڭبەك ونىمدىلىگىن ارتتىرۋعا قول جەتكىزىپ كەلەدى.
ءبىزدىڭ ەلدىڭ زاڭى بويىنشا، 1- مامىر - قازاقستان حالقىنىڭ بىرلىگى كۇنى مەرەكەسى بولىپ بەلگىلەنگەن. تاۋەلسىز ەلىمىزدىڭ بارشا ازاماتى بىرنەشە جىلدان بەرى وسى مەيرامدى تۇراقتى تۇردە اتاپ ءوتۋدى داستۇرگە اينالدىرعانى بارشامىزعا بەلگىلى.
بۇل مەرەكە - بۇگىنگى تاڭدا بەيبىت ءومىر مەن ىنتتىماقتا تۇرمىس كەشىپ وتىرعان ەل تۇرعىندارى ءۇشىن ىستىق ىقىلاس پەن دوستىق نيەتتىڭ ءداستۇرى، اسىعا كۇتەر مەيرامى. بۇل كۇن ءاربىر قازاقستاندىق ءۇشىن وتانعا دەگەن سۇيىسپەنشىلىك پەن پاتريوتتىق سەزىمنىڭ، ازاماتتىق بورىش پەن جالپى ۇلتتىڭ بىرلىگى مەن تىنىشتىق مەرەكەسى دەسەك، ءسوزىمىز ورىندى بولادى. ويتكەنى قازاق ەلىنىڭ بەيبىتشىلىك سۇيگىش ەل ەكەنىن ەلباسىمىز ۇنەمى دالەلدەپ كەلەدى. مىسالى، ۆاشينگتوندا وتكەن IV يادرولىق قاۋىپسىزدىك جونىندەگى ساميتتە قازاقستان رەسپۋبليكاسىنىڭ پرەزيدەنتى - ەلباسى ن. ءا. نازاربايەۆ الەمدەگى تۇراقتىلىقتى ساقتاۋ ماقساتىندا ءوزىنىڭ «الەم. XXI عاسىر» مانيفەسىن جاريا ەتىپ، ناقتى ۇسىنىستارىمەن بۇكىل الەمنىڭ نازارىن وزىنە اۋداردى.
قازاقستاننىڭ ءبىر ازاماتى رەتىندە مەن دە بارشا قازاقستاندىقتاردى كەلە جاتقان 1- مامىر - قازاقستان حالقىنىڭ بىرلىگى كۇنى مەرەكەسىمەن شىن جۇرەكتەن قۇتتىقتايمىن!
ەلىمىزدەگى ءبىر شاڭىراقتىڭ استىنداعى حالقىمىزدىڭ دوستىعى مەن ءوزارا تۇسىنىستىگى ودان ءارى جالعاسىپ، ۇلتارالىق تاتۋلىق ءاردايىم بەرىك بولىپ، قاشان دا ىنتىماعى جاراسقان «ماڭگىلىك ەل» بولىپ، جاساي بەرسىن! ەل تۇرعىندارىنىڭ شاڭىراقتارىنا باقىت-بەرەكە، دەنساۋلىق تىلەيمىن!
اۆتور: ايدىن بايمەن
