حوككەيدەن قازاقستان قۇراماسى ۆەنگريانى جەڭدى
اندرەي نازاروۆ جاتتىقتىراتىن ۇلتتىق قۇراما قازىرگى تاڭدا مامىر ايىندا وتەتىن الەم چەمپيوناتىنا تىڭعىلىقتى دايىندىعىن جۇرگىزۋدە.
بۋداپەشت مۇز ايدىنىنداعى ويىندا ەسەپتى قازاقستاندىق ەۆگەني رىماريەۆ اشتى. ال 51 مينۋتتا قازاقستان قۇراماسى ماجارلىقتارعا 2:1 ەسەبىمەن ەسە جىبەرىپ جاتتى. ويىننىڭ اياقتالۋىنا ساناۋلى مينۋتتار قالعاندا نايدجەل دوۋس تارازى باسىن تەڭەستىردى. ال جەڭىس شايباسىن برەندون بوچەنسكي سوقتى.
قازاقستان قۇراماسى 1- مامىر كۇنى بۋدپەشتتە ەكىنشى جولداستىق كەزدەسۋىن وتكىزەدى. وتانداستارىمىزدىڭ قارسىلاسى - رەسەي قۇراماسى.
ايتا كەتەيىك، الەم چەمپيوناتى 6-22- مامىر ارالىعىندا رەسەيدىڭ ماسكەۋ جانە سانكت-پەتەربۋرگ قالالارىندا وتەدى. وتانداستارىمىز «ا» توبىندا رەسەي، شۆەتسيا، چەحيا، شۆەيتساريا، لاتۆيا، نورۆەگيا جانە دانيا قۇرامالارىمەن وينايتىن بولادى. العاشقى ويىنىن 7- مامىر كۇنى شۆەيتساريا قۇراماسىنا قارسى وتكىزەدى. «ا» توبىنداعى قۇرامالاردىڭ ويىنى ماسكەۋدە وتەدى.
