10:07, 30 - ءساۋىر 2016 | GMT +5
بارلىق تۇنگى كلۋبتار جابىلدى
استانا. قازاقپارات - مۋنيتسيپالدى سوت ارگەنتينا استاناسى بۋەنوس-ايرەستەگى بارلىق تۇنگى كلۋبتاردى جابۋ تۋرالى قاۋلى شىعاردى، دەپ حابارلايدى BBC.
بۇل تىيىم ميلونگا - تانگو ءبيى كەشتەرىنە سالىنباعان. سونداي-اق، مادەنيەت ورتالىقتارىنداعى ءبي كەشتەرىنە شەكتەۋ جوق.
تىيىم قالا اكىمدىگى تۇنگى كلۋبتاردا زاڭسىز ەسىرتكى ساتۋ ماسەلەسىن شەشپەيىنشە كۇشىندە بولماق. سوت قاۋلىسى ەلەكتروندى مۋزىكا قويىلاتىن كلۋبتارعا قاتىستى ەكەندىگىن اتاپ وتكەن ءجون. الايدا بيلىك ءدال وسى ساناتقا قاي كلۋبتار جاتاتىندىعىن انىقتاۋى ءتيىس. وعان دەيىن بارلىق كلۋبتار جابىلاتىن بولادى.
بۇنداي سوت قاۋلىسىنىڭ شىعۋىنا مۋزىكالىق فەستيۆالدە ەسىرتكى قابىلداپ 5 ادامنىڭ قايتىس بولۋى سەبەپ بولىپ وتىر. تاعى 5 ادام سول جولى اۋرۋحاناعا ءتۇسىپ امان قالعان بولاتىن.
