09:39, 30 - ءساۋىر 2016 | GMT +5
قىتايدا سۋتەكتى وتىنمەن جۇرەتىن ەڭ العاشقى ترامۆاي جولعا شىقتى - فوتو
استانا. قازاقپارات - قىتايدا سۋتەكتى وتىنمەن جۇرەتىن الەمدەگى ەڭ العاشقى ترامۆاي جولعا شىقتى.
جولاۋشىلار كولىگىنىڭ بۇل تۇرىنە قۋاتى ۇزاق ۋاقىت بويى تاۋسىلمايتىن باتارەيا كىرىكتىرىلگەن. ال ەڭ باستىسى، ترامۆايدىڭ ەدەنى جولاۋشىلارعا ىڭعايلى بولۋى ءۇشىن بارىنشا تومەن ەتىپ جاسالعان.
ءبىر قىزىعى، ەگەر بۇل كولىككە مىنەتىن ادام سىيماي بارا جاتسا، ورىندىقتار سانىن ارتتىرۋعا بولادى. سونداي-اق ترامۆاي جۇرگەن كەزدە قورشاعان ورتانى لاستامايدى جانە شۋ شىقپايدى، دەپ جازادى 24-تەلەارنا.
