قورعاستا بۇلىك شىعارعاندار شارتتى جازادان بوساتىلدى

استانا. قازاقپارات - الماتى وبلىسىندا كەدەن بەكەتىندە بۇلىك شىعارىپ، سىبايلاس جەمقورلىققا قارسى كۇرەس بويىنشا ۇلتتىق بيۋرو قىزمەتىنىڭ وكىلدەرىنە شابۋىل جاساعاندار شارتتى جازادان بوساتىلدى، دەپ حابارلايدى وبلىستىق سوتتىڭ باسپا ءسوز قىزمەتى.

الماتى وبلىستىق سوتىنىڭ قىلمىستىق ىستەر جونىندەگى سوت القاسىنىڭ 2016-جىلعى 22- ساۋىردەگى قاۋلىسىمەن ق ر ق ك- ءنىڭ 293- ءبابىنىڭ 2- ءبولىمى، 380-بابىنىڭ 1- ءبولىمى، 407-بابىنىڭ 2- ءبولىمى بويىنشا سوتتالعان ش. ب. العايدار، ا. م. ءالىمحان، ك. ك. مۇحامەدجانوۆ جانە ا. تولەبەك ۇلىنا قاتىستى ۇكىم وزگەرتىلدى، شارتتى ايىپتاۋ جويىلدى.

ەسكە سالا كەتەيىك، 2015-جىلى 8- ساۋىردە الماتى وبلىسى بويىنشا سىبايلاس جەمقورلىققا قارسى كۇرەس قىزمەت كەدەندىك تەرگەۋ باسقارماسى تەرگەۋ ءبولىمى ش ق و قورعاس «شىعىس قاقپاسى» كەدەن بەكەتىنىڭ مامانى ت. ن. بوپاۋعا قىلمىستىق ءىس بويىنشا سوتقا دەيىنگى تەرگەۋ امالدارىن جۇرگىزدى.

ت. ن. بوپاۋ ۇستالعاننان كەيىن جەمقورلىققا قارسى قىزمەت وكىلدەرىنە ازاماتتىق قىزمەتكەرلەر ش. العايدار، ا. ءالىمحان، ك. ك. مۇحامەدجان، سونىمەن قاتار ا. تولەبەك ۇلى وزگە انىقتالماعان تۇلعالارمەن بىرلەسىپ كۇش كورسەتتى.

قۇقىق بۇزۋشىلىق ارەكەتتەر سالدارىنان قىزمەتكەرلەر جاراقاتتانىپ، دايەكزات - 50000 تەڭگە اقشا ۇرلانىپ، ۆيدەوكامەراعا زاقىم كەلتىرىلدى. سونىمەن قاتار، كەدەندىك بەكەت عيماراتىندا بۇلىك شىعىپ، كومپيۋتەرلىك تەحنيكا زاقىمدالىپ، جيھاز سىندى.