ءار ازاماتقا رەسمي تۇردە تەگى مەن اكەسىنىڭ اتىن ورىسشالاۋعا تىيىم سالىندى

استانا. قازاقپارات - تاجىكىستان ازاماتتارىنا رەسمي تۇردە اكەسىنىڭ اتى مەن تەگىنىڭ سوڭىنا «-وۆ»، «-وۆا»، «-وۆيچ»، «-وۆنا» دەپ اياقتالاتىن جالعاۋ قوسىپ ايتۋعا نەمەسە جازۋعا تىيىم سالىندى.

بۇل جونىندە كەشە ەلدەگى «راديو وزودي» («ازاتتىق راديوسىنان») ا ح ا ج باسشىسىنىڭ ورىنباسارى دجالوليددين راحيموۆ ايتقان.

بۇل تۋرالى lenta.ru سايتى جازدى.

ول سونداي-اق بالالارىنىڭ تەگىن ورىسشا نۇسقادا قالدىرعىسى كەلەتىندەرمەن ءتۇسىندىرۋ جۇمىستارى جۇرگىزىلەتىنىن ەسكەرتەدى.

«ءتۇسىندىرۋ جۇمىستارى كەزىندە بىزدەر وزگەرىس ەنگىزۋدىڭ ماقساتى-تاجىكشەلەۋ دەپ ايتامىز. بۇعان كەلىسپەگەن جاعدايدا ۇرپاعىمىز ەكىگە بولىنەتىنىن ەسكەرتەمىز. ءبىر توپ ءوزىنىڭ تاجىكشە تەگىن ماقتان تۇتسا، ەكىنشىلەرى ورىستانعان بولىپ قالا بەرەدى. ءبىز بالالارىمىزدىڭ ۇلتقا دەگەن ماحابباتىن وياتۋىمىز كەرەك». - دەيدى راحيموۆ.

ونىڭ سوزىنشە ەندى ادامداردىڭ تەگى مەن اكەسىنىڭ ەسىمىنىڭ سوڭى تاجىكشە «زود»، «زودا»، «ي»، «يەن»، «فار» دەپ اياقتالادى.

بۇل زاڭدى ەلدەگى پارلامەنتتىڭ تومەنگى پالاتاسى ماقۇلداپ قويىپتى.

وزگەرىس تەك تاجىك ۇلتىنىڭ ازاماتتارىنا قاتىستى بولماقشى. قالعان ۇلتتار ءوز ۇرپاعىنىڭ قۇجاتىنا قالاعان نۇسقاسىن كورسەتە الادى ەكەن.

2014-جىلى تاجىكىستاننىڭ باسپروكۋرورى شەرحون ساليمزودا جاستاردىڭ تەگى ورىسشالانىپ باراجاتقانىن سىناعان ەدى. ونىڭ سوزىنشە جاستاردىڭ تەگىنىڭ سوڭىنا قۇجاتتا ورىسشا جۇرناق قوسۋى «وزدەرىنىڭ تاريحىن دۇرىس تانىماۋ، پاتريوت ەمەس ەكەندىكتەرىن» بىلدىرەدى دەگەن.

ءبىراز ۋاقىت بۇرىن ازاماتتاردىڭ تەگىن تاجىكشەلەۋ كومپانياسى پرەزيدەنت ەمومالي راحموننىڭ باسشىلىعىمەن قۇرىلعان ەدى. 2007-جىلى پرەزيدەنت حالقىنا ءوز تەكتەرىن تاجىكشەلەۋدى ۇسىنعان ەدى.