وليمپيادا چەمپيونى س. ساپيەۆ ورالدا شەبەرلىك ءدارىسىن وتكىزدى - فوتو
اتاقتى سپورتشى قىرىققا جۋىق بالعىن بوكسشىلارمەن ەمەن-جارقىن اڭگىمەلەسىپ، ولاردىڭ ءتۇرلى ساۋالدارىنا جاۋاپ بەردى. سونىمەن قاتار ءوزىنىڭ سۇيىكتى ءادىس-تاسىلدەرىن كورسەتىپ، شەبەرلىك قىرلارىمەن ءبولىستى. جاسوسپىرىمدەرگە جارقىن جەڭىستەرگە قول جەتكىزۋ ءۇشىن ۇزبەي جاتتىعۋ مەن شەبەرلىكتەرىن شىڭداي بەرۋدىڭ ماڭىزى زور ەكەندىگىن جەتكىزدى.
كەزدەسۋگە قاتىسقان ب ق و دەنە شىنىقتىرۋ جانە سپورت باسقارماسىنىڭ باسشىسى ازامات بەكەتتىڭ اتاپ وتكەنىندەي، مۇنداي جۇزدەسۋلەر سپورتتى سەرىك ەتكەن جاس جەتكىنشەكتەردىڭ ەسىندە قالادى. ولار سەرىك ساپييەۆ سىندى ساڭلاقتاردىڭ ءومىر جولىنا قانىعىپ، ۇلگى تۇتاتىن بولادى. سونىمەن قاتار وزدەرى دە بولاشاقتا وليمپ شىڭىنا شىعۋعا ۇمتىلارى انىق.
ايتا كەتەيىك، سەرىك ساپيەۆ ەرتەڭ ورال قالاسىندا وتەتىن ق ر تاۋەلسىزدىگىنىڭ 25 جىلدىعىنا جانە قازاقستان حالقىنىڭ بىرلىگى كۇنىنە ارنالعان ۆەلوشەرۋگە قاتىسۋ ءۇشىن ارنايى كەلدى. ۆەلوشەرۋ تەننيس ورتالىعىنان باستالىپ، پ. اتويان اتىنداعى ستاديوندا مارەگە جەتپەك.
