ورالدا «سارباز» كەمەسى سۋعا ءتۇسىرىلدى - فوتو
بۇل - ەلىمىزدىڭ تاۋەلسىزدىك جىلدارى اتالعان زاۋىتتا قۇراستىرىلعان جيىرما ءتورتىنشى كەمە.
وسىناۋ قۋانىشتى وقيعامەن زاۋىت ۇجىمىن وبلىس اكىمى التاي كولگىنوۆ قۇتتىقتاپ، بۇل ەل تاۋەلسىزدىگىنىڭ 25 جىلدىعىنا لايىقتى تارتۋ ەكەندىگىن اتاپ ءوتتى. ەندى «سارباز» كەمەسى دە كاسپي تەڭىزىندە ەل شەكاراسىن كۇزەتۋگە قىزمەت ەتەتىن بولادى.
كەمە ق ر ۇ ق ك شەكارا قىزمەتىنىڭ تاپسىرىسىمەن جاسالعان. كەمەنىڭ ۇزىندىعى 42، ەنى 7,8 مەتر.
زاۋىت باسشىسى ۆياچەسلاۆ ۆاليەۆتىڭ ايتۋىنشا، جاڭا كەمەنىڭ مىندەتى بولەكتەۋ. قوسالقى قىزمەت اتقاراتىن كەمە مۇزعا قارسى كۇشەيتىلگەن، ول 170 تونناعا دەيىنگى اۋىر جۇكتى الىپ جۇرە الادى. الداعى ۋاقىتتا پالۋباسىندا تىكۇشاق بار كۇزەت كەمەسىن قۇراستىرۋ ويلاستىرىلۋدا.
ايتا كەتەيىك، «سارباز» كەمەسى جايىق وزەنى بويىمەن كاسپيگە جەتكىزىلەدى. سودان كەيىن سىناقتان وتكىزىلىپ، تاپسىرىس بەرۋشىگە تابىس ەتىلەدى.
