زيانى ءتيىپ جاتسا، جەردى قايتارىپ الۋعا زاڭدى قۇقىعىمىز بار - جەر قاتىناستارى باسقارماسى
ونىڭ ءمالىم ەتكەنىندەي، جەر شەتەل ازاماتتارىنا ساتىلمايدى. ول تەك، ق ر ازاماتتارىنا بەرىلەتىن قۇقىق. شەتەلدىك ازاماتتار جەردى اۋىل شارۋاشىلىق ماقساتتا پايدالانۋ ءۇشىن 25 جىلعا جالعا الا الادى. دەگەنمەن ماقساتسىز پايدالانسا نەمەسە ەكولوگياعا، جەردىڭ قۇنارىنا زيان كەلتىرەتىن بولسا، ول جەرلەر مەملەكەتكە ءماجبۇرلى تۇردە قايتارىلادى.
«ودان قورقاتىن ەشتەڭە جوق دەپ ويلايمىن، سەبەبى جەردى ماقساتتى پايدالانۋىن، زاڭدى بۇزباۋىن قاداعالايتىن ناقتى قۇزىرلى ورگاندار. جەردىڭ ساپاسى، قۇنارى ءتۇسىپ كەتسە، ونى زاڭ اياسىندا جازالايتىن شارالارى بولادى. كەيىن ونى زاڭدى تۇردە، ءماجبۇرلى تۇردە قايتارىپ الۋىمىزعا دا بولادى. ەگەر زيانى كەلىپ جاتسا، ونداي قۇقىعىمىز بار»، - دەپ اتاپ ءوتتى ا. مولداعالييەۆ.
ايتا كەتەيىك، ۇلت جوسپارى 100 ناقتى قادام شەڭبەرىندە 35-36 قادامدارىن جۇزەگە اسىرۋ ماساتىندا جەر كودەكسىنە وزگەرىستەر مەن تولىقتىرۋلار ەنگىزىلگەن بولاتىن. جەر كودەكسىنىڭ جاڭا نورمالارى بىلتىر قاراشا ايىندا قابىلداندى. ال 2016 - جىلدىڭ 1- شىلدەسىندە ول قولدانىسقا ەنەدى.
ول بويىنشا، اۋىل شارۋاشىلىعىنا ارنالعان جەرلەر ق ر ازاماتتارىنا جانە زاڭدى تۇلعالارىنا جەكەمەنشىككە اۋكسيون ارقىلى ساتىلادى. ال شەتەلدىك ازاماتتارعا تەك 25 جىلعا جالعا بەرىلەدى. ول ەلىمىزدىڭ اۋىل شارۋاشىلىعىنا شەتەلدىك ينۆەستيتسيالار تارتىپ، قازاقستاننىڭ ونىمدەرىن مولايتۋعا سەپتىگىن تيگىزەدى. سونداي- اق، جاڭا جۇمىس ورىندارى دا اشىلادى.
جەر ۋچاسكەسىن ونىڭ كاداسترلىق قۇنىنىنىڭ 50 پايىزىنان تومەن ساتۋعا رۇقسات بەرىلمەيدى. سونىمەن قاتار، ق ر ازاماتتارى مەن زاڭدى تۇلعالارىنىڭ مەنشىگىندەگى جالدا تۇرعان جەر ۋچاسكەلەرىن ساتىپ الۋ ءۇشىن جەڭىلدىكتەر بەرىلەدى. اتالعان نورما قازىرگى جەر پايدالانۋشىلاردىڭ مۇددەلەرىن ەسكەرەدى. بۇرىن ولارعا بەرىلگەن اۋىل شارۋاشىلىق جەر ۋچاسكەلەرى جالعا بەرۋ مەرزىمى اياقتالعانعا دەيىن، جەڭىلدىك باعامەن جەكە مەنشىككە ساتىپ الۋعا قۇقىق بەرىلەدى، ياعني جەردىڭ كاداسترلىق قۇنىنىڭ 50 پايىزى مولشەرىمەن 10 جىل مەرزىمگە دەيىن ءبولىپ تولەۋ مۇمكىندىگى قاراستىرىلعان.
اۆتور: جاسۇلان جولدىبايەۆ
