وڭتۇستىكتەن سولتۇستىككە كوشەتىن وتباسىلاردى شىعارىپ سالۋ ءراسىمى وتەدى

استانا. قازاقپارات - رەسپۋبليكامىزدىڭ سولتۇستىك وڭىرلەرى وكىلدەرىنىڭ قاتىسۋىمەن ىشكى كوشى- قون جانە قونىستاندىرۋ ماسەلەلەرى بويىنشا   كەزدەسۋ وتەدى.

 مەملەكەت باسشىسى ارتا تۇسكەن دەموگرافيالىق ديس بالانس جاڭا   كوشى- قون تولقىندارىن قالىپتاستىرىپ، الەۋمەتتىك شيەلەنىستى كۇشەيتەتىنىن اتاپ وتكەن.

قازىرگە كەزدە، ىشكى كوشى- قون ماسەلەسىندە ەڭبەك رەسۋرستارى مەن دەموگرافيا جاعىندا وڭتۇستىك پەن سولتۇستىك ايماقتار اراسىندا تەڭسىزدىك ورىن الىپ كەلەدى.

وسىعان وراي، وڭتۇستىك قازاقستان وبلىسىندا ىشكى كوشى- قون پروتسەسستەرىن رەتتەۋ جانە ەڭبەك رەسۋرستارىنىڭ تەڭگەرىمدىلىگىن ارتتىرۋ، حالىقتى بىركەلكى جايعاستىرۋ ماقساتىندا ەڭبەك كۇشى مول ايماقتان، ەڭبەك كۇشى جەتىسپەيتىن  رەسپۋبليكامىزدىڭ  سولتۇستىك وڭىرلەرىنە ءوز ەركىمەن حالىقتى قونىستاندىرۋ  جۇمىستارى جۇرگىزىلۋدە.

بۇگىنگى تاڭدا سولتۇستىك قازاقستان، شىعىس قازاقستان وبلىستارى  مەن وڭتۇستىك قازاقستان وبلىسى اكىمدەرى اراسىندا ءوزارا ىنتىماقتاستىق مەموراندۋمدار ءتۇزىلدى.

وبلىستا حالقى تىعىز ورنالاسقان اۋداندارمەن اقپاراتتىق- ءتۇسىندىرۋ جۇمىستار جۇرگىزىلدى، ارنايى جۇمىس توبى قۇرىلىپ ءىس- شارالار جوسپارى بەكىتىلدى.

اتقارىلعان جۇمىستاردىڭ ناتيجەسىندە: 800 استام وتباسى  ەلىمىزدىڭ سولتۇستىك وڭىرلەرىنە قونىس اۋدارۋعا نيەت بىلدىرسە،   50 وتباسى  حالقى تىعىز اۋدانداردان سولتۇستىك قازاقستان وبلىسىنا قونىس اۋداردى.

سونىمەن بىرگە، شىعىس قازاقستان وبلىسىنا «جۇمىسپەن قامتۋ 2020 جول كارتاسى» باعدارلاماسى شەڭبەرىندە 2014 -جىلدان بەرى وڭتۇستىك قازاقستان وبلىسىنان   107  وتباسى قونىس اۋدارۋعا نيەت ءبىلدىرىپ،   20  وتباسى  (75 وتباسى مۇشەسى)  شىعىس قازاقستان وبلىسىنىڭ ريددەر قالاسىنان تۇرعىن ءۇي الىپ، وتباسىنىڭ بارلىق جۇمىسقا جارامدى ازاماتتارى جۇمىسقا ورنالاستى. باعدارلامادان بولەك شىعىس قازاقستان وبلىسىنا  100-دەن  اسا وڭتۇستىك قازاقستاندىق قونىس اۋداردى.

ەلباسىنىڭ بەرگەن تاپسىرماسىن تاعى دا جانداندىرۋ ماقساتىندا حالقى تىعىز ورنالاسقان وبلىسىمىزدىڭ سارى اعاش، ماقتارال اۋداندارى مەن شىمكەنت قالاسىندا 2016 -جىلدىڭ 27-29 - ءساۋىر ارالىعىندا  سولتۇستىك قازاقستان، پاۆلودار، شىعىس قازاقستان، قوستاناي  وبلىستارى وكىلدەرىنىڭ قاتىسۋىمەن بوس جۇمىس ورىندار جارمەڭكەلەرى مەن «سەرپىن» باعدارلاماسى اياسىندا جاستارمەن كەزدەسۋلەر ۇيىمداستىرىلۋدا.

اتالعان ءىس- شاراعا رەسپۋبليكامىزدىڭ  4  وبلىسىنان  41  مەملەكەتتىك ورگاندار مەن وقۋ ورىندارىنىڭ جاۋاپتى تۇلعالارى جانە جۇمىس بەرۋشىلەرىلەر وكىل رەتىندە قاتىسۋ جوسپارلانۋدا  (سولتۇستىك قازاقستان - 12 ادام، پاۆلودار - 12 ادام، قوستاناي - 9 ادام، شىعىس قازاقستان - 8 ادام).

27 - ساۋىردە  ماقتارال اۋدانىندا،   28 - ساۋىردە  سارى اعاش اۋدانىندا،  29- ساۋىردە  شىمكەنت قالاسىندا شارالار ءوتىپ، وبلىس اكىمدىگىندە 4 وبلىستىڭ دەلەگاتسيا باسشىلارىنىڭ قاتىسۋىمەن شارالاردىڭ قورىتىندىسى بويىنشا باسپا ءسوز كونفەرەنسياسى وتەتىن بولادى.

كەزدەسۋ سوڭىندا ەلىمىزدىڭ سولتۇستىك قازاقستان وبلىسىنا كوشۋگە نيەت بىلدىرگەن ازاماتتاردى سالتاناتتى تۇردە شىعارىپ سالۋ ءراسىمىن وتكىزۋ كوزدەلۋدە.

ىشكى كوشى قوندى رەتتەۋ جانە سولتۇستىك وڭىرلەرگە قونىستاندىرۋ مەن «سەرپىن» باعدارلاماسىن ناسيحاتتاۋ جۇمىستارى ماقتارال اۋدانىنان باستالدى. وبلىس اكىمىنىڭ ورىنباسارى ۇ. سادىبەكوۆ اتالعان ءىس- شارانى اشىپ، كوشۋگە نيەتتى اۋدان تۇرعىندارىنا ساتتىلىك تىلەدى. سونداي- اق جەرگىلىكتى حالىق سولتۇستىك وڭىرلەردەن كەلگەن وكىلدەرمەن سۇحباتتاسىپ، ۇسىنىلىپ وتىرعان بوس جۇمىس ورىندارىمەن تانىستى.

«قامشى» سىلتەيدى