اۋىل شارۋاشىلىعى ءوندىرىستىڭ الەۋەتىنە قاراماستان ەكونوميكا ءوسىمىنىڭ ورتاشا كورسەتكىشىنەن قالىپ وتىر - ق. توقايەۆ

 استانا. قازاقپارات - اۋىل شارۋاشىلىعى ءوندىرىستىڭ اۋقىمدى الەۋەتىنە قاراماستان ەكونوميكا ءوسىمىنىڭ ورتاشا كورسەتكىشىنەن قالىپ وتىر.

بۇگىن پارلامەنت سەناتىندا «ە ا ە و جانە د س ۇ جاعدايىندا وتاندىق اگرارلىق سەكتوردىڭ باسەكەگە قابىلەتتىلىگىن ارتتىرۋ زاڭنامالىق رەتتەۋ جانە ءىس جۇزىنە اسىرۋ» اتتى پارلامەنتتىك تىڭداۋ بارىسىندا سەنات سپيكەرى قاسىم- جومارت توقايەۆ وسىلاي ءمالىم ەتتى.

«اگرارلىق سەكتور ەلدىڭ جالپى ىشكى ءونىمىنىڭ بار- جوعى 4 پايىزىنا عانا قامتيدى. ال ەكونوميكادا جۇمىسپەن قامتىلعان جالپى ادام سانىنىڭ 19 پايىزى نەمەسە 1,6 ميلليون ادام وسى سەكتوردا جۇمىس ىستەيدى. اۋىل شارۋاشىلىعىندا ونىمدىلىك دەڭگەيى باسقا سالالارمەن سالىستىرعاندا ءالى دە ەڭ تومەنگى ورىنداردان كوتەرىلە الماي كەلەدى. الدىن الا مالىمەتتەرگە قاراعاندا، 2015 - جىلى اۋىل شارۋاشىلىعى سالاسىنىڭ ونىمدىلىگى ءبىر جۇمىسپەن قامتىلعانعا 5600 دوللاردان ءسال عانا استى. بۇل ەلىمىزدەگى ورتاشا كورسەتكىشتەن 3,5 ەسەگە، ال دامىعان ەلدەردىڭ كورسەتكىشىنەن الدەقايدا تومەن»، - دەدى ق. توقايەۆ.

ءتوراعانىڭ ايتۋىنشا، وسىنىڭ ءوزى وتاندىق اگرارلىق سەكتوردىڭ ءوندىرىسى باسىم جاعدايدا ەكستەنسيۆتىك فاكتورلار ەسەبىنەن قامتاماسىز ەتىلىپ وتىرعانىن كورسەتەدى. «وتاندىق اگرارلىق سەكتورداعى ءوندىرىس كولەمىنىڭ ارتۋى ءتيىمدى تەحنولوگيالار مەن قازىرگى زامانعى جابدىقتاردى كەڭىنەن قولدانۋ جانە عىلىمي جەتىستىكتەردى پايدالانۋ ەسەبىنەن قامتاماسىز ەتىلىپ وتىرعان جوق»، - دەدى سپيكەر.

اۆتور: قانات مامەتقازى ۇلى