قوستانايلىق وقۋشىلار گرۋزيادا وتكەن حالىقارالىق وليمپيادادا توپ جاردى
23 مەملەكەتتەن كەلگەن 300 دەن استام ۇمىتكەر اراسىنان وزىپ شىعۋ دا - قوماقتى تابىس.
قوستاناي قالاسىنداعى قازاق- تۇرىك ليتسەيىنىڭ 11- سىنىپ وقۋشىلارى مۇحامبەت بايسارين، سايان تارعىنوۆ، تەمىرلان ماحمۇتوۆ ۇشتىگى ۇسىنعان عىلىمي جۇمىس ۇزدىكتەر قاتارىنان تابىلدى، دەپ جازادى «حابار» ارناسى.
جەڭىمپازدارعا التىن مەدال مەن ارنايى گراموتالار تابىس ەتىلدى. جاس ماتەماتيكتەردىڭ ەسەپتەپ شىعارعان كريپتوگرافيالىق جاڭا باعدارلاماسى اقپاراتتىق قورعانىستى كۇشەيتەدى.
«مەملەكەتتىك نەمەسە كوممەرتسيالىق قۇپيالىقتى قامتاماسىز ەتۋدە دە ونىڭ ماڭىزى زور»، - دەيدى جوبا اۆتورلارى.
«قازىرگى كەزدە اقپاراتتىق قىزمەت، اقپاراتتىق قاۋىپسىزدىك وتە ماڭىزدى. ءبىز وسى جوبامەن ەكى جىل جۇمىس ىستەپ جاتىرمىز. كەلەشەكتە ۋنيۆەرسيتەتكە تۇسكەندە، وسى اقپاراتتىق قاۋىپسىزدىك فاكۋلتەتىنە تۇسەمىز دەپ ويلايمىن. سوندا پروفەسسورلارمەن سويلەسىپ، جەتىلدىرۋگە تىرىسامىز»، - دەيدى حالىقارالىق وليمپيادا جەڭىمپازى مۇحامبەت بايسارين.
