عالىمدار جارىلعىش زاتتى انىقتايتىن سكانەر ويلاپ تاپتى
ينجەنەرلەردىڭ ايتۋىنشا، جاڭا قۇرىلعى بريۋسسەل مەن پاريجدە بولعان لاڭكەستىك ارەكەتتەردىڭ الدىن الۋعا مۇمكىندىك بەرەدى. ءقازىر قۇرىلعىنى جاساعان ينجەنەلەردىڭ ءبىرى جارىلعىش زاتتىڭ كىشكەنتاي ءتۇيىرىن كيىمىنىڭ ىشىنە سالىپ جاتىر. لازەر، كامەرا جانە ەلەكتروندى چيپپەن جاراقتانعان سكانەر قاۋىپتى نارسەنى جاڭىلماي تانيدى.
«مەن جارىلعىش زاتقا ساۋساعىمدى تيگىزىپ كوردىم، ءبىراق ەشتەڭە سەزە المادىم. ال ءبىز جاساعان قۇرىلعى ونى بىردەن انىقتايدى»، لافبورو ۋنيۆەرسيتەتىنىڭ پروفەسسورى دجون تايرەر.
ينجەنەرلەردىڭ ايتۋىنشا، جاڭا سكانەر اۋەجايلار مەن ادام كوپ شوعىرلاناتىن ورىندارعا تاپتىرماس قۇرال بولا الادى. بۇل قۇرىلعى ءبىر جاعىنان سودىرلارعا قارسى قۇرالعا اينالسا، ەكىنشىدەن باقىلاۋدى كۇشەيتۋ ءىسىن جەدەلدەتۋگە مۇمكىندىك بەرمەك.
دجون تايرەردىڭ ايتۋىنا قاراعاندا، قۇرىلعىنى ەسىك جاقتاۋىنا بەكىتىپ قويسا، ول ادامداردىڭ تۇلا بويىن تىنىمسىز تولىق سكانەرلەپ تۇرادى جانە جولاۋشىلار نوپىرىنە كەدەرگى كەلتىرمەيدى ەكەن.
«بۇل - ماڭىزدى قۇرىلعى. سەبەبى، ونى ادامعا تيگىزىپ قاجەتى جوق. سوندىقتان ول مۇلدە كوزگە تۇسپەي، ەلەۋسىز تۇرادى. ءبىز ادامداردىڭ بويىنان جارىلعىش زاتتاردى ىزدەيمىز، ال ولار تۇك سەزبەيتىن بولادى»، - دەيدى قاۋىپسىزدىك سالاسىنداعى كونسالتينگتىك كومپانيا ديرەكتورى مەتتيۋ فينن.
