07:57, 29 - ءساۋىر 2016 | GMT +5
قاتىرما قاعازداعى تاعامدار دەنساۋلىققا قاۋىپتى مە؟
استانا. قازاقپارات - قاتىرما قاعازداعى (كارتون) تاعامداردى ءجيى قولدانۋ - دەنساۋلىققا قاۋىپتى. بۇل تۋرالى شۆەيتساريا عالىمدارى حابارلاپ وتىر، جازدى massaget.kz پورتالى.
شۆەيتساريالىق عالىمداردىڭ ايتۋى بويىنشا، قاتىرما قاعازدار ەسكى پاراقتار مەن ءتۇرلى ءتۇستى مينەرالدى مايلاردىڭ قوسىندىسىنان جاسالادى. ال مۇنداي قوسىندىلار تاعامدىق ءونىمدى «ۋلايتىن» كورىنەدى. سوندىقتان دا قاتىرما قاعازداعى جارما، كۇرىش، ۇن مەن ماكارون ونىمدەرىن ءجيى قولدانۋدان ساق بولۋدى ەسكەرتىپ وتىر. سەبەبى، قاتىرما قاعازداعى مۇنداي تاعامدار ادامداردى ءقاۋىپتى ىسىك پەن ىشكى اعزانىڭ بۇزىلۋى سەكىلدى دەرتتەرگە شالدىقتىرۋى مۇمكىن.
قازىرگى تاڭدا ەۋروپادا تاعامدىق ونىمدەردى بۋىپ-ءتۇيۋسىز ساتۋ كەڭ تاراپ كەلەدى. فرانسيادا ونىمدەرىن ءدال وسىلاي ساتاتىن 500 گە جۋىق دۇكەن بار. دانيادا دا وسىنداي دۇكەندەر اشىلۋدا. ادامدار وزدەرىنىڭ قۇتىلارىن اكەلىپ، قاجەتتى تاعامدارىن قاجەتىنشە ساتىپ الادى. عالىمدار وسى ءادىستى دەنساۋلىققا پايدالى ساناپ وتىر.
