قازاقستاننىڭ ءبىرىنشى راكەتكاسى رابات تۋرنيرىنىڭ جارتىلاي فينالىنا شىعا المادى

استانا. قازاقپارات - قازاقستاننىڭ ءبىرىنشى، الەمنىڭ 55- راكەتكاسى يۋليا پۋتينتسيەۆا راباتتا (ماروككو) تەننيستەن ءوتىپ جاتقان حالىقارالىق تۋرنيردىڭ شيرەك فينالىندا گوللانديالىق كيكي بەرتەنسپەن كۇش سىناستى.
None
None

تىكەلەي سپورتتىق كورسەتىلىم ارقىلى ءمالىم بولعانىنداي، تارتىستى وتكەن باسەكەدە وسى تۋرنيردىڭ سەگىزىنشى راكەتكاسى بولىپ تىركەلگەن يۋ. پۋتينتسيەۆا العاشقى پارتيادا 3:6 ەسەبىمەن ەسە جىبەرسە، ەكىنشىسىندە تاي-برەيكتە (7:6) جەڭىسكە جەتە ءبىلدى. سوڭعى، شەشۋشى پارتيادا ەسەپ 3:4 بولىپ تۇرعان مەزەتتە قازاقستاندىق تەننيسشى قارسىلاسى دوپ بەرگەندە بىرنەشە برەيك-پوينتتى پايدالانا المادى. ءسويتىپ بۇل پارتيانى دا 6:3 ەسەبىمەن ك. بەرتەنس ۇتىپ، جارتىلاي فينالعا جولداما الدى. وندا ول جاڭازەلانديالىق مارينا ەراكوۆيچ نەمەسە سەربيالىق الەكساندرا كرۋنيچتىڭ قاي جەڭگەنىمەن كەزدەسەدى.

ايتا كەتەيىك، رابات تۋرنيرىنىڭ جۇلدە قورى 226750  ا ق ش دوللارى بولاتىن.

اۆتور: ەلجان ەرالى

سوڭعى جاڭالىقتار