جاقىن ارادا ەۋرووداقتىڭ قازاقستانداعى اۋە كومپانيالارىنا قاتىستى سانكتسيالارىنىڭ كۇشى جويىلماق
بۇل تۋرالى بۇگىن ق ر پارلامەنتى ءماجىلىسىنىڭ ەكونوميكالىق رەفورما كوميتەتىنىڭ كوشپەلى وتىرىسىندا اتالعان ۆەدومستۆونىڭ ءبىرىنشى ۆيتسە-ءمينيسترى جەڭىس قاسىمبەك ءمالىم ەتتى.
«ءتورت جىلدىق جۇمىستىڭ قورىتىندىسى بويىنشا يكاو ءاۋديتىنىڭ قورىتىندىسىن وتكەن اپتادا الدىق. سول ۋاقىتتا ءبىزدىڭ اۆياتسيا ە و «قارا تىزىمىنە» ەنگەن بولاتىن. وسى رەتتە بىزگە قاتىستى ەلەۋلى ەسكەرتپەلەرىنىڭ بارلىعى جويىلدى. ي ك ا و قاۋىپسىزدىگىنە سايكەستىك دەڭگەيى بىزدە بيىل 75 پايىزدى قۇرادى، ال ورتاشا ەۋروپالىق كورسەتكىش 70 پايىز شاماسىندا. ءبىز كەشە عانا ەۋروپالىق وداققا سانكتسيالاردى جويۋ تۋرالى ءوتىنىمدى جىبەردىك. جاقىن ارادا بارلىق اۋە كومپانيالارىنا قاتىستى كەلەڭسىز شارالاردىڭ كۇشى جويىلادى دەپ كۇتۋدەمىز»، - دەدى ج. قاسىمبەك.
بۇدان بۇرىن حابارلانعانداي، ق ر ي د م ازاماتتىق اۆياتسيا كوميتەتى ي ك ا و- نىڭ ەلەۋلى ەسكەرتپەلەرىنىڭ بارلىعىن جويدى. قازىرگى شاقتا قازاقستاندىق «ەير استانا» اۆياكومپانياسىنان عانا ە و ەلدەرىنە ۇشۋعا شەكتەۋلەردىڭ بارلىعى الىنىپ تاستالعان بولاتىن.
اۆتور: رۋسلان عابباسوۆ
