لوندوندا قازاقستاننىڭ حالىقارالىق باستامالارى تالقىلاندى
جۇزدەسۋ بارىسىندا قازاقستان جانە ۇلى بريتانيا اراسىنداعى ينۆەستيتسيالار، ەنەرگەتيكا سالالارىنداعى ماسەلەلەر، مادەني-گۋمانيتارلىق بايلانىستار جونىندەگى ىنتىماقتاستىقتىڭ قازىرگى احۋالى مەن پەرسپەكتيۆالارى تالقىلاندى. تاراپتار سونداي-اق حالىقارالىق جانە وڭىرلىك ساياسات جونىندەگى وزەكتى ماسەلەلەر توڭىرەگىندە وي ءبولىستى، دەپ حابارلايدى ق ر س ءى م باسپا ءسوز قىزمەتى.
كەزدەسۋدە قازاقستاننىڭ حالىقارالىق باستامالارىنا، اسىرەسە، ونىڭ يادرولىق قارۋدى تاراتپاۋ جانە جاھاندىق يادرولىق قاۋىپسىزدىكتى نىعايتۋ سالاسىنداعى كۇش-جىگەرىنە باستى نازار اۋدارىلدى. وتاندىق ديپلومات ت. ەلۆۋدقا ق ر پرەزيدەنتى نۇرسۇلتان نازاربايەۆتىڭ وسى جىلعى ءساۋىر ايىندا ۆاشينگتوندا وتكەن يادرولىق قاۋىپسىزدىك سامميتى جۇمىسىنا قاتىسۋىنىڭ قورىتىندىلارى تۋرالى بايانداپ، مەملەكەت باسشىسىنىڭ «الەم. ХХІ عاسىر» مانيفەسىنىڭ ءماتىنىن تابىس ەتتى.
سونىمەن بىرگە، تاراپتار قازاقستاننىڭ 2017-2018-جىلدارى ب ۇ ۇ قاۋىپسىزدىك كەڭەسىنە تۇراقتى ەمەس مۇشە بولۋعا كانديداتۋراسىن ىلگەرىلەتۋ پەرسپەكتيۆالارىن، سونداي-اق استانا قالاسىندا وتەتىن «ەكسپو-2017» حالىقارالىق مامانداندىرىلعان كورمەسىن وتكىزۋ ماسەلەلەرىن دە تالقىلادى.
