عالىمدار شاي ساڭىراۋقۇلاعىنان تەرى جاساپ ودان ەتىك جانە كۇرتە تىكتى

استانا. قازاقپارات - ا ق ش- تىڭ ايوۆا شتاتى ۋنيۆەرسيتەتىنىڭ زەرتتەۋشىلەرى جاساندى تەرى جاساۋدىڭ جاڭا ءتاسىلىن ويلاپ تاپتى.

ازىرگە ول بىلعارى سەكىلدى ساپالى ەمەس، ءبىراق كۇرتە، اياق كيىم تىگۋگە جاراپ قالادى. بۇل ماتەريالدى جاساۋ ءۇشىن كۇبى، تسەلليۋلوزا تالشىعى، شاي ساڭىراۋقۇلاعى، سىركە سۋى جانە قانت قاجەت، دەپ جازدى Gizmodo.

ولارعا باكتەريالار مەن اشىتقى قوسقاننان كەيىن جاساندى تەرى سۇيىقتىقتىڭ بەتىندە وزدىگىنەن وسە باستايدى. الىنعان ماتەريالدان باتەڭكە مەن كۇرتە تىگىلدى. ازىرگە جاساندى تەرىنىڭ ساپاسى ءالى تومەن: جاڭبىر كەزىندە سۋلانىپ، ەزىلىپ قالادى، سۋىقتا قاتىپ قالادى.

يننوۆاتسيالىق تەرىنى جاپپاي وندىرۋگە ەرتەرەك. ماتەريالدىڭ ءبىر پاراعى ءتورت اپتادا تولىقتاي ءوسىپ شىعادى. ونىڭ جاقسى جاعىنا كەلسەك ماتەريال تازا تابيعي، ول وزدىگىنەن ىدىراپ كەتەتىنى تابيعات قورعاۋشىلارىنىڭ كوڭىلىنەن شىعارى ءسوزسىز.