ءۇيسىز-كۇيسىز دارىندى مۋزىكانت ونەرى الەمدى وزىنە قاراتتى - كەسكىن

استانا. قازاقپارات - كۇللى الەم رەسەيدەن بەلگىسىز ءۇيسىز-كۇيسىز مۋزىكانتتى تۇسىرگەن ۆيدەونى تاماشالاۋدا. ولاردىڭ قاتارى دا كۇرت ارتىپ وتىر.

ول ءنوۆوسىبىر ۆوكزالىندا تۇسىرىلگەن، دەپ حابارلايدى piter.tv.

كادردا قاڭعىباستى كوز الدىڭا اكەلەتىن ورتا جاستاعى ادام «ول جەردە مەنىڭ وشاعىم جانىپ تۇر» ءانىنىڭ ەرەكشە نۇسقاسىن گيتارادا ويناۋدا. سەزىمگە بەرىلگەن مانەرلى ءان ءجۇز مىڭداعان ادامنىڭ جۇرەگىن جاۋلادى. پىكىردە ونى ءبىرى «دانا» دەسە، ەندى ءبىرى «فيلارمونيانىڭ كەدەي مۋزىكانتى» دەپ جازۋدا.

ۆيدەودا كەيىپكەردىڭ كىم ەكەنى ايتىلماعان. الايدا وعان جۇرتشىلىق گيتارادا وينالاتىن بەلگىلى اندەردىڭ cover- نۇسقاسىمەن الەمدىك تۋر ۇيىمداستىرۋدى ۇسىنۋدا. نەبارى ەكى-ءۇش كۇننىڭ ىشىندە روليكتى 500 مىڭنان استام ادام تاماشالاعان.