17:41, 28 - ءساۋىر 2016 | GMT +5
وسكار دە لا حويا: گولوۆكين-الۆارەس ايقاسىنىڭ بولاتىنىنا ەش كۇمان جوق
استانا. قازاقپارات - Golden Boy پروموۋتەرلىك كومپانياسىنىڭ پرەزيدەنتى وسكار دە لا حويا Foxbusiness.com-عا بەرگەن سۇحباتىندا گەننادي گولوۆكين مەن ساۋل الۆارەستىڭ جەكپە-جەگى ۋاقىتى كەلگەندە بولاتىنىنا كۇمان كەلتىرۋدىڭ قاجەتى جوق دەپ جاۋاپ بەردى.
«كۇمانداناتىن ەشتەڭە جوق. بۇل ايقاستى جانكۇيەرلەر تاعاتسىزدانا كۇتىپ ءجۇر. ءار نارسەنىڭ ءوز ۋاقىتى بار. كانەلونىڭ قازىرگى بار مىندەتى الدا وتەتىن امير حانمەن جەكپە-جەكتە جەڭىپ شىعۋ. 8- مامىردا كەلەسى قارسىلاستىڭ كىم بولاتىنىن ايتاتىن بولامىز»، - دەدى ول.
