سۇڭگۋىر-روبوت سۋ تۇبىندە جاتقان كەمەدەن جادىگەر تاپتى - كەسكىن
بۇل تۋرالى ۋنيۆەرسيتەتتىڭ سايتى حابارلادى.
OceanOne روبوتى جەرورتا تەڭىزىندە فرانسيانىڭ وڭتۇستىك جاعالاۋىنان 32 شاقىرىم جەردە سۋعا كەتكەن XIV ليۋدوۆيكتىڭ باس كەمەسىنە سۇڭگىدى. كەمە سىنىقتارىنىڭ اراسىنان وپەراتور شاعىن قۇمىرانى تاپتى. بۇل قۇمىرانى روبوت سەبەتكە سالىپ، سۋ بەتىنە الىپ شىقتى.
OceanOne روبوتى ستەرەوسكوپيالىق كورىنىستى بەرەتىن كامەرامەن جانە زاتتاردى قارماۋعا مۇمكىندىك بەرەتىن مانيپۋلياتورلارمەن جابدىقتالعان. نەگىزىنەن روبوت وزدىگىنشە قوزعالادى. الايدا وپەراتور كەز كەلگەن ۋاقىتتا قولدان باسقارۋعا كوشە الادى.
قۇراستىرۋشىلاردىڭ سوزىنە قاراعاندا، روبوتتىڭ ەكى قولىنىڭ جانە ستەرەوسكوپيالىق كورۋ قابىلەتىنىڭ بولۋى قاۋىپتى جاعدايلاردا سۋڭگۋىرلەردى الماستىرۋعا مۇمكىندىك بەرەدى.
OceanOne قۇراستىرۋشىلارى روبوتتى تەڭىز استىن بۇرعىلاۋ جۇمىستارىنا پايدالانۋدى ۇسىندى. روبوتتىڭ ادامعا ۇقساستىعى ونىڭ سۇڭگۋىرلەرمەن بىرگە ءجۇرىپ جۇمىس ىستەۋىنە مۇمكىندىك بەرەدى.
